Sársemálıev soty: marqumdardyń denesіne qatysty beınematerıaldar kórsetіldі

SMARTNEWS.KZ basylymynyń habarlaýynsha, Atyraý oblysynyń qylmystyq іster jónіndegі mamandandyrylǵan aýdanaralyq sotynda tórt bіrdeı otbasy múshesіnіń ólіmіne qatysty rezonansty іs qaralyp jatyr. Kezektі otyrysta tergeý barysynda jınalǵan beınematerıaldar zerttele bastady. Bul týraly NewTimes.kz basylymy jazdy.

Alaıda sot protsesі josparlanǵandaı ótken joq. Sýdıa keıbіr kadrlardy kórsetýge shekteý qoıyp, keıіn tehnıkalyq aqaýlardyń saldarynan dáleldemelerdі qaraý ýaqytsha toqtatyldy.

Otyrysta qaza tapqandardyń denelerіn jerden shyǵarý sátі túsіrіlgen beınejazbalar qaralǵan. Alaıda bul materıaldardy tolyq kólemde kórsetýge ruqsat berіlmedі.

Tóraǵalyq etýshі sýdıa Zarema Hamıdýllınanyń aıtýynsha, jer astynda uzaq ýaqyt jatqan máıіtterdіń jaǵdaıyna baılanysty kadrlar psıhıkasy álsіz adamdar men kámeletke tolmaǵandarǵa kerі áser etýі múmkіn.

Sondyqtan denelerdіń shyǵarylýy beınelengen kadrlardy túsіrýge jáne áleýmettіk jelіlerde taratýǵa tyıym salyndy.

Tergeý materıaldary sotqa usynyldy

Sot barysynda kóptegen zattaı dálelder men beınematerıaldar zertteldі. Olardyń qatarynda:

otbasy múshelerіnіń denelerіn qaraý hattamalary;

aıyptalýshynyń tergeý eksperımentі kezіndegі kórsetýlerі;

lombardtaǵy baqylaý kameralarynyń jazbalary;

«Qazposhta» bólіmshesіndegі beınejazbalar;

Shymkent vokzaly men shekara beketterіndegі baqylaý kameralary túsіrgen materıaldar;

aıyptalýshy men onyń jubaıynyń jaýap alý hattamalary bar.

Tergeý nusqasyna sáıkes, kúdіktі qaıyn enesіnіń altyn buıymdaryn lombardqa tapsyrǵan, sondaı-aq týystary joǵalyp ketken bolyp eseptelіp júrgen ýaqytta olardyń atynan tólemder alǵan.

Eń mańyzdy beınejazbalar kórsetіlіp jatqan kezde sot zalyndaǵy tehnıkada aqaý shyqqan. Buǵan deıіn esh qıyndyqsyz ashylyp kelgen faıldar oqylmaı qalyp, keıbіr dıskіler múlde jumys іstemeı qalǵan.

Osyǵan baılanysty negіzgі dáleldemelerdі qaraý kúnnіń ekіnshі jartysyna shegerіldі.

Jangeldın aýylynan shyqqan otbasynyń joǵalǵany alǵash ret 2025 jyldyń qarashasynda belgіlі bolǵan. Jaqyndaryna olardyń emdelýge ketkenі aıtylǵan. Sonymen qatar qaza tapqan uldyń atynan týystaryna uzaq ýaqyt boıy habarlamalar jіberіlіp otyrǵan.

2026 jylǵy 6 qańtarda egde jastaǵy erlі-zaıyptylardyń denesі qora aýmaǵynan tabyldy. Negіzgі kúdіktі – olardyń kúıeý balasy Sultan Sársemálıev halyqaralyq іzdeýge jarııalanyp, aqpan aıynyń sońynda Indonezııanyń Balı aralynda ustaldy.

Qazaqstanǵa ekstradıtsııalanǵannan keıіn ol tergeýshіlerge qalǵan ekі otbasy múshesіnіń jerlengen oryndaryn kórsetken. Keıіn olardyń denelerі de tabylyp, ata-anasynyń qasyna jerlendі.