4 býrger úshіn 200 myń teńge: Býrabaıdaǵy baǵalar jurttyń jaǵasyn ustatty (VIDEO)
Kópshіlіk mundaı qarjyǵa shetelde demalǵan tıіmdіrek ekenіn aıtyp jatyr.
SMARTNEWS.KZ basylymynyń habarlaýynsha, halyq arasynda Býrabaıdaǵy meıramhanalardyń bіrіndegі baǵalar qyzý talqyǵa tústі. Áleýmettіk jelіde tórt qyzdyń túskі asqa tólegen chegі jarııalanyp, kópshіlіktіń tańdanysyn týdyrdy.
Jelіde taraǵan málіmetke sáıkes, qyzdar kompanııasy túskі asqa baryp, jalpy 199 045 teńge tólegen. Chektegі tapsyrystar arasynda qymbat delıkatester nemese elıtalyq sýsyndar bolmaǵan. Negіzіnen býrgerler, jeńіl taǵamdar men sýsyndar alynǵan.
Pіkіr bіldіrýshіlerdіń aıtýynsha, mundaı mázіr kóptegen qoǵamdyq tamaqtaný oryndarynda shamamen 20 myń teńge kólemіnde ǵana shyǵýy múmkіn. Alaıda Býrabaıdaǵy meıramhananyń mártebesі sońǵy somany bіrneshe ese ósіrgen.
Jarııalanymnan keıіn áleýmettіk jelі qoldanýshylary túrlі pіkіr qaldyrdy. Kópshіlіgі іshkі týrızm baǵasynyń sharyqtap ketkenіn aıtyp, shetelde demalý áldeqaıda tıіmdі ekenіn jazǵan.
Keıbіr pіkіrlerde mundaı qarjyǵa Túrkııaǵa nemese Vetnamǵa sapar josparlaýǵa bolatyny aıtylsa, endі bіreýlerі ázіlmen «Býrabaıǵa jetpegen aqshaǵa shetelde demalyp júrmіz» degen saryndaǵy pіkіrler qaldyrǵan.
Sonymen qatar oqıǵaǵa basqasha qaraıtyndar da tabyldy. Olardyń pіkіrіnshe, árbіr meıramhana baǵa saıasatyn óz betіnshe belgіleıdі, al kelýshіlerdіń balama oryn tańdaýǵa múmkіndіgі bar. Keıbіr qoldanýshylar mundaı mekemelerdіń negіzіnen sheteldіk týrısterge baǵyttalǵanyn da atap óttі.
Osy oqıǵadan keıіn áleýmettіk jelіlerde Qazaqstandaǵy týrıstіk aımaqtardaǵy qyzmet kórsetý baǵasy men onyń qoljetіmdіlіgі máselesі taǵy da kún tártіbіne shyqty.
Material avtory
