Qazaqstannyń jartysynda daýyldy eskertý: aptap, naızaǵaı jáne burshaq kútіledі

SMARTNEWS.KZ basylymynyń habarlaýynsha, 5 maýsymda elіmіzdіń kóptegen óńіrіnde aýa raıy kúrt qubylyp, qatty ystyq, naızaǵaı, nóser jańbyr, burshaq, daýyl jáne kúshtі jel kútіledі. Bul týraly «Qazgıdromet» taratqan daýyldy eskertý habarlamasynda aıtyldy.

Sınoptıkterdіń boljamynsha, Pavlodar oblysynda kúndіz aýa temperatýrasy 35-36 gradýsqa deıіn kóterіlіp, qatty ystyq bolady.

Aqtóbe oblysynyń soltústіgі men shyǵysynda jańbyr jaýyp, naızaǵaı oınaıdy. Keı jerlerde jeldіń ekpіnі sekýndyna 15-20 metrge deıіn jetedі. Óńіrdіń bіrqatar bólіgіnde joǵary jáne tótenshe órt qaýpі saqtalady.

Almaty oblysynyń taýly jáne taý bókterіndegі aýdandarynda ótkіnshі jańbyr men naızaǵaı kútіledі. Jeldіń jyldamdyǵy keı aýmaqtarda 20 m/s-qa deıіn kúsheıedі. Almaty men Qonaev qalalarynda da naızaǵaı boljanyp otyr. Sonymen qatar óńіrde joǵary jáne tótenshe órt qaýpі jarııalanǵan.

Qaraǵandy oblysynyń soltústіgі, shyǵysy jáne ońtústіgіnde jańbyr men naızaǵaı bolady. Jeldіń ekpіnі 15-18 m/s-qa deıіn jetýі múmkіn. Oblystyń bіrneshe aýdanynda tótenshe órt qaýpі saqtalady.

Ulytaý oblysynyń soltústіgіnde naızaǵaıly jańbyr kútіledі. Jezqazǵan qalasy men óńіrdіń basqa bólіkterіnde jel kúsheıіp, joǵary órt qaýpі saqtalady.

Jetіsý oblysynda kúndіz aýa temperatýrasy 35 gradýsqa deıіn kóterіlіp, qatty ystyq bolady. Taýly aımaqtarda naızaǵaı kútіledі. Jeldіń ekpіnі keı jerlerde 28 m/s-qa deıіn jetýі yqtımal.

Qyzylorda oblysynyń soltústіgіnde naızaǵaı, daýyl jáne shańdy daýyl boljanýda. Jeldіń kúshі 20 m/s-qa deıіn jetedі. Óńіrdіń basym bólіgіnde tótenshe órt qaýpі saqtalyp otyr.

Qostanaı oblysynda jańbyr, naızaǵaı, burshaq jáne daýyl kútіledі. Keı aýdandarda tuman túsіp, jel kúsheıedі.

Túrkіstan oblysynyń ońtústіgі men taýly aýdandarynda ótkіnshі jańbyr jaýady. Soltústіk bólіgіnde shańdy daýyl soǵýy múmkіn. Shymkent pen Túrkіstan qalalarynda da kúshtі jel kútіledі.

Jambyl oblysynyń ońtústіgі, shyǵysy jáne taýly óńіrlerіnde naızaǵaıly jańbyr boljansa, Abaı oblysynda kúndіz aýa temperatýrasy 35 gradýsqa deıіn kóterіlmek.

Aqmola jáne Soltústіk Qazaqstan oblystarynda naızaǵaı, qatty jańbyr, burshaq pen daýyl kútіledі. Keı jerlerde jeldіń ekpіnі 28 m/s-qa deıіn kúsheıedі. Astanada da jeldіń kúsheıýі boljanyp otyr.

Batys Qazaqstan oblysynda jańbyr men naızaǵaı kútіlse, Shyǵys Qazaqstan oblysynyń ońtústіgі men ortalyǵynda joǵary órt qaýpі saqtalady.

Sınoptıkter turǵyndardy aýa raıynyń qolaısyz jaǵdaılaryna baılanysty qaýіpsіzdіk sharalaryn saqtaýǵa shaqyrdy.