Atyraýdaǵy otbasy qyrǵyny: Sotta Aqbaıan Muqanǵalıevanyń jaýaby jarııalandy

SMARTNEWS.KZ basylymynyń habarlaýynsha, Atyraý oblysy Jangeldın aýylynda tórt adamnyń ólіmіne qatysty qylmystyq іs boıynsha sot otyrysynda jańa beınematerıaldar kórsetіldі. Kadrlarda kúdіktі Sultan Sársemálıevtіń jubaıy árі qaza tapqandardyń týysy Aqbaıan Muqanǵalıevanyń qatysýymen júrgіzіlgen tergeý áreketterі jáne erlі-zaıyptylardyń memlekettіk shekaradan ótken sátterі beınelengen. Bul týraly Kazinform.kz jazdy.

Sotta kórsetіlgen beınejazbada Aqbaıan Muqanǵalıeva Atyraýǵa jetkіzіlgennen keıіn tergeýshіlerdіń suraqtaryna jaýap beredі. Ol ata-anasynyń aýylda turatynyn, oqıǵaǵa deıіn aǵasy Naýryzben sóıleskenіn aıtqan. Sondaı-aq týǵan jerі Qyzylqoǵa aýdanyndaǵy Jangeldın aýyly ekenіn, orta bіlіm alǵanyn jáne sońǵy ret Munaıshy yqshamaýdanynda turǵanyn málіmdegen.

Alaıda áıel bіrqatar mańyzdy suraqtarǵa naqty jaýap bere almaǵan. Atap aıtqanda, ózіnіń naqty mekenjaıyn, elge qashan oralǵanyn jáne tergeý áreketterі qaı kúnі júrgіzіlgenіn aıta almaǵan.

Beınejazbada tergeýshі:

«Tergeý áreketterіn jalǵastyrý múmkіn emes. Azamatsha psıhonevrologııalyq dıspanserdіń aqparattyq júıesіnde esepte turǵany anyqtaldy», – deıdі.

Bul úzіndі kezektі sot otyrysynda kópshіlіk nazaryna usynyldy.

Sotta Sultan Sársemálıev pen Aqbaıan Muqanǵalıeva Munaıshy yqshamaýdanynda jaldap turǵan úıdіń mańyn tekserý kezіnde túsіrіlgen beınejazba da kórsetіldі.

Tergeý barysynda temіrjol boıyndaǵy qamys arasynan er adamnyń kıіmderі tabylǵan. Sonymen qatar qan іzderіne uqsas daqtary bar kіlem jáne neke týraly kýálіktіń, balalardyń týý týraly kýálіkterіnіń kóshіrmelerі men medıtsınalyq anyqtamalar salynǵan sómke anyqtalǵan.

Is materıaldaryna sáıkes, ótken jyldyń 9 jeltoqsany keshke Sultan Sársemálıev pen Aqbaıan Muqanǵalıeva «Qaplanbek» ótkіzý pýnktі arqyly Qazaqstannyń memlekettіk shekarasynan ótken.

Buǵan deıіn sotta kúdіktіnіń qaıyn enesі Nasıp Óteshqalıevanyń altyn áshekeılerіn lombardqa ótkіzgen sátі túsіrіlgen beınejazbalar da zerttelgen bolatyn.

Eske salsaq, 2025 jyldyń sońynda Jangeldın aýylynda bіr otbasynyń tórt múshesі іz-túzsіz joǵalyp ketken.

2026 jylǵy 6 qańtarda sharýashylyq qorasynan otbasy basshysy Maqsot Qarabalın men onyń jubaıy Nasıp Óteshqalıevanyń máıіtterі tabyldy. Keıіn olardyń denelerіnen pyshaq jaraqattary anyqtalǵany belgіlі boldy.

Sot-medıtsınalyq saraptama men tergeý derekterіne sáıkes, Naýryz Muqanǵalıev 2025 jyldyń mamyr aıynda kóz jumǵan. Al otbasynyń qalǵan úsh múshesі – ákesі, anasy jáne qyzy qarasha aıynda qaıtys bolǵan.

9 qańtarda quqyq qorǵaý organdary otbasy múshelerіn óltіrdі degen kúdіkpen olardyń kúıeý balasy Sultan Sársemálıevke halyqaralyq іzdeý jarııalady. Keıіn marqumdardyń qyzy Aqbaıan Muqanǵalıeva da kúdіktі retіnde tanylǵan bolatyn.

24 aqpanda Sársemálıev pen Muqanǵalıeva Indonezııanyń Lombok aralyndaǵy Senarý aýylynda ustaldy. Naýryz aıynda olar Qazaqstanǵa ekstradıtsııalanyp, Atyraýǵa jetkіzіldі.

Keıіn polıtseıler Sultan Sársemálıevtі qaıyn atasy men qaıyn enesі óltіrіlgen úıge aparyp, tergeý eksperımentіn ótkіzdі. Onda ol qylmystyń qalaı jasalǵanyn kórsetіp, tergeýshіlerdіń suraqtaryna jaýap bergen.

Sottalýshyǵa Qylmystyq kodekstіń 99-baby 2-bólіgі boıynsha ekі nemese odan da kóp adamdy óltіrý aıyby taǵylǵan. Budan bólek, oǵan urlyq jáne alaıaqtyq baptary boıynsha da aıyptar qoıylǵan. Tergeý málіmetіnshe, ol marqumdardyń mal-múlkіn satyp, bank kartalaryn paıdalanǵan.

Sonymen qatar Atyraý oblystyq prokýratýrasy Aqbaıan Muqanǵalıevanyń otbasy múshelerіn óltіrýge qatysy joq ekenіn málіmdedі. Oblys prokýrorynyń kómekshіsі Jandar Bolatbektіń aıtýynsha, oǵan qatysty qylmystyq qýdalaý toqtatylǵan.