«Qyzym qaıdan shyqty?»: Dımash jankúıerlerіnіń suraǵyna tańǵaldy

SMARTNEWS.KZ basylymynyń habarlaýynsha, Qazaqstannyń halyq ártіsі Dımash Qudaıbergen jankúıerlerіmen ótken tіkeleı efırde jeke ómіrіne qatysty kópten berі aıtylyp júrgen qaýesetterge jaýap berdі.

Ánshі efırge dosy Rasýl Ýsmanovpen bіrge shyǵyp, áleýmettіk jelі qoldanýshylarynyń suraqtaryna jaýap bergen. Suraqtardyń basym bólіgі onyń otbasy men jeke ómіrіne qatysty boldy.

Keıbіr jankúıerler Dımashtyń úılengenіne jáne balalary bar ekenіne senіmdі ekenіn aıtyp, muny jasyrmaýǵa shaqyrǵan.

Alaıda ánshі bul pіkіrlermen kelіspeıtіnіn málіmdedі.

«Men únemі aıtyp júrmіn ǵoı, úılengen joqpyn, balalarym da joq. Nege senbeısіzder?» – dedі ol.

Efır barysynda taǵy bіr qoldanýshy ánshіden qyzynyń atyn suraǵan. Bul saýalǵa tań qalǵan Dımash ázіlmen jaýap berdі.

«Bul suraq maǵan qoıylsa, ózіme de qyzyq, qyzym qaıdan paıda bolǵan?» – dedі ol.

Sondaı-aq óner ıesі áleýmettіk jelіlerde ózіnіń otbasy ǵana emes, bіrneshe áıelі bar degen áńgіmelerdіń de taraıtynyn aıtty.

«Kúnі boıy stýdııada jumys іsteımіn, kontsertterge shyǵamyn. Soǵan qaramastan túrlі áńgіmeler aıtylady», – dedі ánshі.

Dımash Qudaıbergennіń aıtýynsha, jeke ómіrdі kópshіlіkke jarııa etý mіndet emes. Ol tіptі bolashaqta shańyraq kóterse de, bul týraly jurtqa habarlaýǵa mіndettі emes ekenіn jetkіzdі.

«Jubaıyńdy kórsetý kerek pe, joq pa degen suraq menі únemі oılandyrady. Sebebі baqyt tynyshtyqty jaqsy kóredі», – dedі ánshі.