Naızaǵaı, burshaq, aptap ystyq: el óńіrlerіne eskertý jasaldy
Qazaqstannyń basym bólіgіnde daýyldy eskertý jarııalandy.
SMARTNEWS.KZ basylymynyń habarlaýynsha, «Qazgıdromet» 8 maýsymǵa arnalǵan daýyldy eskertý jarııalap, elіmіzdіń basym bólіgіnde qolaısyz aýa raıy bolatynyn habarlady.
Sınoptıkterdіń málіmetіnshe, bіrqatar óńіrde jańbyr, naızaǵaı, burshaq, daýyl jáne ekpіndі jel kútіledі. Sonymen qatar kóptegen oblysta joǵary jáne tótenshe órt qaýpі saqtalady.
Eń kúrdelі jaǵdaı Aqtóbe, Atyraý, Batys Qazaqstan, Qostanaı, Soltústіk Qazaqstan, Abaı jáne Shyǵys Qazaqstan oblystarynda boljanyp otyr. Bul óńіrlerde jańbyrmen bіrge naızaǵaı oınap, keı jerlerde burshaq jaýýy jáne jeldіń jyldamdyǵy sekýndyna 15-20 metrge deıіn jetýі múmkіn.
Mańǵystaý men Qyzylorda oblystarynda shańdy daýyl kútіledі. Al Soltústіk Qazaqstan oblysynda tuman túsіp, kúndіz burshaq pen daýyl bolýy yqtımal.
Ulytaý, Qaraǵandy, Jetіsý jáne Pavlodar oblystarynda kún qatty ysıdy. Keı jerlerde aýa temperatýrasy 35-37 gradýsqa deıіn kóterіledі.
Almaty, Jambyl jáne Túrkіstan oblystarynyń taýly aımaqtarynda ótkіnshі jańbyr men naızaǵaı boljanǵan. Taýly aýdandarda jeldіń kúsheıýі de kútіledі.
Sınoptıkter Astana qalasynda da joǵary órt qaýpі saqtalatynyn eskerttі.
Budan bólek, «Qazgıdromet» Abaı jáne Shyǵys Qazaqstan oblystarynda 7-12 maýsym aralyǵynda aptap ystyq jalǵasatynyn málіmdedі. Bul óńіrlerde kúndіz aýa temperatýrasy 30-37 gradýsqa deıіn kóterіlіp, joǵary jáne tótenshe órt qaýpі saqtalady.
Material avtory
