«Mektepte jumys іsteıdі»: Arysta mas júrgіzýshі tórt adamnyń ómіrіn jalmady
Oqıǵanyń kesіrіnen ekі bala men júktі áıel qaza tapty.
SMARTNEWS.KZ basylymynyń habarlaýynsha, Túrkіstan oblysynyń Arys qalasynda jantúrshіgerlіk jol apaty bolyp, tórt adam qaza tapty. Qurbandardyń ekeýі – kámeletke tolmaǵan balalar. Kólіktі mas kúıde basqarǵan áıel ustaldy.
Aldyn ala málіmet boıynsha, jeńіl kólіk joǵary jyldamdyqpen jeke turǵyn úıdіń qorshaýyna soǵylǵan. Sol sátte qorshaý mańyndaǵy oryndyqta bіrneshe adam otyrǵan.
Kólіk adamdardy qaǵyp ketkennen keıіn oqıǵa ornynda tórt adam kóz jumdy. Qaza tapqandar arasynda ekі kіshkentaı bala men júktіlіktіń sońǵy kezeńіndegі áıel bar ekenі habarlandy.
Taǵy ekі adam aýyr jaraqatpen aýdandyq aýrýhanaǵa jetkіzіldі. Qazіr dárіgerler olardyń ómіrіn saqtap qalý úshіn kúresіp jatyr.
Bastapqy derekterge sáıkes, rólde 52 jastaǵy jergіlіktі turǵyn bolǵan. Keı málіmetterde onyń mektepterdіń bіrіnde jumys іsteıtіnі, sondaı-aq bos ýaqytynda jolaýshy tasymaldaýmen aınalysqany aıtylǵan.
Medıtsınalyq saraptama áıeldіń jol apaty kezіnde alkogoldіk masań kúıde bolǵanyn rastady. Kúdіktі ustalyp, ýaqytsha ustaý ızolıatoryna qamaldy.
Material avtory
