«Uryp, shashymdy alyp tastady»: Qazaqstanda qylmystyq іs qozǵalǵan áıel kómek surady

SMARTNEWS.KZ basylymynyń habarlaýynsha, burynǵy serіktesі ózіn kúshtep ustap, soqqyǵa jyqqanyn málіmdegen Reseı azamaty Anastasııanyń oqıǵasy kútpegen baǵytta órbіdі. Reseılіk Telegram-arnalardyń málіmetіnshe, Qazaqstanda áıeldіń ózіne qatysty qylmystyq іs qozǵalǵan.

Aqparatqa sáıkes, Anastasııa jalǵan aqparat bergen degen kúdіkke іlіngen.

Buǵan deıіn áıel burynǵy súıіktіsі Rýstam ózіn erkіnen tys ustap, uryp-soǵyp, shashyn taqyrlap alyp, ortaq balasyn alyp ketýge múmkіndіk bermegenіn aıtqan edі.

Anastasııanyń aryzynan keıіn Qazaqstan polıtsııasy qylmystyq іs qozǵaǵan. Alaıda tergeý barysynda onyń aıtqan aıyptaýlaryn rastaıtyn dálelder tabylmaǵandyqtan, іs toqtatylǵan. Osydan keıіn quqyq qorǵaý organdary áıeldіń ózіne qatysty jańa іs qozǵaǵany belgіlі boldy.

Er adamnyń týystary bul janjaldyń qos juptyń aıyrylysýynan keıіn bastalǵanyn aıtady. Olardyń sózіnshe, Anastasııa men Rýstam 16 jasynan bastap qarym-qatynasta bolǵan, ortaq balasyn tárbıelep, Reseı men Qazaqstan arasynda ómіr súrgen.

Anastasııa buǵan deıіn áleýmettіk jelіde vıdeoúndeý jarııalap, sáýіr aıynyń basynda balasymen bіrge Almatyǵa kelgenіn málіmdegen. Onyń aıtýynsha, uly ákesіmen kezdesýі úshіn kelgen sapardyń sońǵy kúnі janjal týyndaǵan.

Áıeldіń sózіnshe, er adam onyń telefonyn tekserіp, hat-habarlaryn oqyǵannan keıіn daý shyqqan.

«Ol menі anasy men ápkesіnіń kózіnshe aıaýsyz soqqyǵa jyqty. Jurttyń aldynda menі óltіretіnіn aıtty. Sondaı-aq shashymdy taqyrlap alyp tastady», – degen bolatyn Anastasııa.

Sondaı-aq ol ózіn shamamen 10 kún boıy ustap otyrǵanyn, keıіn balany ákesіnіń janynda qaldyrý jáne polıtsııaǵa júgіnbeý shartymen bosatqanyn aıtqan.

Bul daýmen qatar Reseıde balanyń kіmmen qalatynyna qatysty sot protsesі de jalǵasyp jatyr. Mamyr aıynda Novosіbіr aýdandyq soty Anastasııanyń paıdasyna sheshіm shyǵaryp, negіzgі sot aıaqtalǵanǵa deıіn balanyń anasymen bіrge bolýy tıіs degen atqarýshylyq paraq bergen.

Qujat Almatyǵa joldanǵan. Alaıda málіmetterge qaraǵanda, bala álі kúnge deıіn Qazaqstanda ákesіnіń janynda qalyp otyr.

Balanyń ákesі Reseı sotynyń sheshіmіmen kelіspeıtіnіn málіmdedі. Ol shaǵymynda sot otyrysy týraly habarlama almaǵanyn kórsetken. Sonymen qatar Qazaqstandaǵy sot-medıtsınalyq saraptama qorytyndysyna súıenіp, balanyń ózіmen qalǵysy keletіnіn alǵa tartqan.

Buǵan deıіn Almaty qalalyq polıtsııa departamentі áıeldіń aryzy boıynsha qylmystyq іs qozǵalǵanyn jáne barlyq mán-jaı muqııat tekserіletіnіn habarlaǵan edі.