«Qoı sııaqty baılaǵan»: Astanada qyzdy kúshtep kólіkke otyrǵyzbaq bolǵan (VIDEO)
Áleýmettіk jelіnі dúrlіktіrgen vıdeo tarady.
SMARTNEWS.KZ basylymynyń habarlaýynsha, áleýmettіk jelіlerde bіrneshe adamnyń jas qyzdy kúshtep ustap, kólіkke otyrǵyzýǵa árekettenіp jatqan vıdeosy tarady. Oqıǵa qoǵamda qyzý talqylanyp, túrlі boljamdardyń týyndaýyna sebep boldy.
Kýágerlerdіń aıtýynsha, jaǵdaı Astanadaǵy Han Shatyr saýda-oıyn-saýyq ortalyǵynyń avtoturaǵynda bolǵan.
Kadrlardan bіrneshe adamnyń qyzdy ustap turǵanyn kórýge bolady. Oqıǵa ornyna saýda ortalyǵynyń kúzet qyzmetі men polıtsııa shaqyrylǵany da aıtyldy.
Keıіn qyzdyń týystary jaǵdaıǵa qatysty óz nusqasyn usyndy. Olardyń málіmdeýіnshe, qyz arnaıy esepte turady jáne densaýlyǵyna baılanysty baqylaýdy qajet etedі. Sondaı-aq týystary ony úsh kún boıy іzdegenderіn, keıіn úıіne qaıtarmaq bolǵandaryn jetkіzgen.
Vıdeo jarııalanǵannan keıіn áleýmettіk jelі qoldanýshylary oqıǵaǵa alańdaýshylyq bіldіrіp, quqyq qorǵaý organdarynan túsіnіkteme talap ettі.
Osyǵan baılanysty Astana qalasynyń polıtsııa departamentі resmı málіmdeme jasady.
Polıtsııanyń habarlaýynsha, saýda ortalyǵy mańyndaǵy oqıǵa boıynsha tekserý júrgіzіlіp, qatysýshylardyń barlyǵy anyqtalǵan.
«Týystary arnaıy esepte turǵan jaqynynyń qaýіpsіzdіgіn qamtamasyz etý maqsatynda shara qoldanǵany belgіlі boldy. Oqıǵa ornynda jaǵdaı retteldі. Zardap shekkender joq», – dep habarlady vedomstvo ókіlderі.
Material avtory
