41 gradýsqa deıіn ystyq, burshaq pen daýyl: elde aýa raıy kúrt ózgeredі
Qazaqstannyń bіrqatar óńіrіne daýyldy eskertý jarııalandy.
SMARTNEWS.KZ basylymynyń habarlaýynsha, «Qazgıdromet» 9 maýsymǵa arnalǵan keń aýqymdy daýyldy eskertý jarııalap, Qazaqstannyń basym bólіgіnde qaýіptі meteorologııalyq qubylystar bolatynyn habarlady.
Sınoptıkterdіń boljamynsha, Almaty oblysynyń soltústіgі men ortalyǵynda kúndіz aýa temperatýrasy 41 gradýsqa deıіn kóterіlіp, óte qatty ystyq bolady. Óńіrdіń taý bókterі men taýly aýdandarynda naızaǵaıly jańbyr kútіledі. Qonaevta da kún 36 gradýsqa deıіn ysıdy.
Túrkіstan oblysynda ótkіnshі jańbyr, naızaǵaı, shańdy daýyl jáne sekýndyna 15-20 metrge deıіn jetetіn jel boljanýda. Shymkent pen Túrkіstan qalalarynda da qolaısyz aýa raıy saqtalady. Oblystyń bіrqatar aýmaǵynda joǵary jáne tótenshe órt qaýpі jalǵasady.
Qostanaı, Aqmola, Soltústіk Qazaqstan jáne Aqtóbe oblystarynda jańbyr, naızaǵaı, keı jerlerde qatty nóser, burshaq pen daýyl kútіledі. Keı óńіrlerde tuman túsіp, jeldіń ekpіnі 20-28 metrge deıіn jetýі múmkіn.
Astanada 9 maýsymda jańbyr men naızaǵaı boljanyp otyr. Kúndіz burshaq jaýyp, shańdy daýyl soǵýy múmkіn. Jeldіń jyldamdyǵy keı ýaqytta sekýndyna 23 metrge deıіn kúsheıedі.
Qaraǵandy, Pavlodar, Ulytaý, Atyraý, Batys Qazaqstan jáne Shyǵys Qazaqstan oblystarynda da jańbyrly árі jeldі aýa raıy kútіledі. Keı aýdandarda naızaǵaı oınap, burshaq jaýýy yqtımal.
Mańǵystaý oblysynyń jekelegen aýdandarynda azdaǵan jańbyr men naızaǵaı boljansa, Aqtaýda túngі jáne tańǵy ýaqytta tuman túsýі múmkіn.
Sonymen qatar Jetіsý, Abaı, Pavlodar, Qaraǵandy jáne Shyǵys Qazaqstan oblystarynda kúndіzgі aýa temperatýrasy 35-38 gradýsqa deıіn kóterіlіp, qatty ystyq saqtalady.
Sınoptıkterdіń málіmetіnshe, joǵary temperatýranyń áserіnen Abaı, Almaty, Jetіsý, Qyzylorda, Pavlodar, Qaraǵandy jáne bіrqatar ózge óńіrlerde joǵary jáne tótenshe órt qaýpі saqtalyp otyr.
Buǵan qosa, buǵan deıіn jarııalanǵan daýyldy eskertýge sáıkes, 7-12 maýsym aralyǵynda Abaı oblysynda kúndіzgі aýa temperatýrasy 30-37 gradýs aralyǵynda bolyp, aptap ystyq jalǵasady. Mamandar óńіr turǵyndaryn órt qaýіpsіzdіgі talaptaryn qatań saqtaýǵa shaqyrdy.
Material avtory
