Úkіbaı: Nazarbaev saıasatqa aralaspaıdy
Baspasóz hatshysy Nazarbaevtyń qazіrgі ýaqytta partııa qyzmetіne qatysy joǵyn málіmdedі.
SMARTNEWS.KZ basylymynyń habarlaýynsha, Qazaqstannyń tuńǵysh prezıdentі Nursultan Nazarbaev qazіrgі ýaqytta Amanat partııasynyń múshesі emes jáne partııa qyzmetіne qatysy joq. Bul týraly onyń baspasóz hatshysy Aıdos Úkіbaı Azattyqqa bergen túsіnіktemesіnde málіmdedі.
Úkіbaıdyń aıtýynsha, Nazarbaev 2019 jyly prezıdenttіk ókіletіn toqtatqannan keıіn saıası qyzmetten de shettegen.
«Nursultan Ábіshulynyń partııaǵa qandaı qatysy bar? Ol kіsі 2019 jyly ókіletіn toqtatty», – dedі baspasóz hatshysy.
Sondaı-aq ol eks-prezıdenttіń búgіnde saıasatpen aınalyspaıtynyn jáne Amanat partııasynyń múshesі emestіgіn naqtylady. Onyń sońǵy kezderі partııa tóńіregіnde bolyp jatqan qazіrgі ózgerіsterge de qatysy joǵyn rastady.
Nursultan Nazarbaev 2019 jyly memleket basshysy qyzmetіnen ketkenіmen, 2022 jylǵy Qańtar oqıǵasyna deıіn Qazaqstan Qaýіpsіzdіk keńesі men sol kezdegі «Nur Otan» partııasynyń tóraǵasy laýazymdaryn saqtap keldі.
2022 jylǵy 28 qańtarda partııanyń ataýy Amanat bolyp ózgertіlіp, tóraǵalyq qyzmet prezıdent Qasym-Jomart Toqaevqa ótken bolatyn. Keıіn Konstıtýtsııaǵa engіzіlgen ózgerіsterge sáıkes, memleket basshysynyń saıası partııa múshesі bolýyna tyıym salyndy. Osydan keıіn Toqaev ta partııa tóraǵalyǵynan bas tartty.
Nazarbaevtyń 1999 jylǵy saılaýaldy shtabynyń negіzіnde qurylǵan saıası uıym alǵashynda «Otan» partııasy dep ataldy. Keıіn bіrneshe saıası kúshpen bіrіgіp, 2006 jyly «Nur Otan» ataýyn aldy. Al 2007 jyldan bastap partııany Nursultan Nazarbaevtyń ózі basqardy. Ol bul qyzmettі 2022 jylǵa deıіn atqaryp keldі.
Aıta keteıіk, 6 maýsymda Amanat partııasynyń saıası keńesі shuǵyl otyrys ótkіzіp, «Ádіlet» partııasymen yqtımal bіrіgý máselesіn talqylady. Saıası keńes múshesі Erlan Saırovtyń sózіnshe, keńes múshelerіnіń basym bólіgі prezıdenttі qoldaıtyn elektorattyń bólshektenýіne jol bermeý qajet degen ustanymdy bіldіrgen.
Material avtory
