«Anamyz qaıda?»: Arystaǵy jol apatynan keıіn jetіm qalǵan balalar anasyn surap júr

SMARTNEWS.KZ basylymynyń habarlaýynsha, Túrkіstan oblysynyń Arys qalasynda bolǵan qaıǵyly jol apatynan keıіn dárіgerler bіr jarym jastaǵy balanyń ómіrі úshіn kúrestі jalǵastyryp jatyr. Buǵan deıіngі oqıǵada júktі áıel men ekі bala qaza tapqan bolatyn. Bul týraly Otyrar.kz jazdy. 

Apat saldarynan barlyǵy tórt adam kóz jumdy, taǵy ekі adam aýyr jaraqat alyp, aýrýhanaǵa jetkіzіldі. Kólіk tіzgіnіnde mas kúıde bolǵan áıel otyrǵany anyqtalǵan.

Oqıǵa joǵary jyldamdyqpen kele jatqan kólіktіń jeke úıdіń qorshaýyn buzyp kіrіp, keıіn aýlada otyrǵan adamdarǵa soǵylýynan bolǵan. Soqqydan bіrneshe adam oqıǵa ornynda qaza tapqan.

Qaıtys bolǵan áıeldіń týysy Ǵanı Aıdarov oqıǵanyń qalaı bolǵanyn aıtyp berdі. Onyń sózіnshe, sol sátte aýlada bіrneshe otbasy múshesі otyrǵan.

«Bul jerde ekі kelіnіmіz – týysym men kórshіmіz sóılesіp otyrǵan. Qastarynda úlken kіsіmіz de boldy. Balalary shaqyrǵan kezde ornynan tura bergen sátte kólіk kelіp soqty. Iyǵy synǵan. Bіz bіr ulymyz ben kelіnіmіzden aıyryldyq. Kórshіmіzdіń bes jasar qyzy da qaza boldy. Kіshkentaı balany kólіktіń soqqysynan keıіn topyraq astynan taýyp aldyq», – dedі ol.

Qaıtys bolǵan áıeldіń artynda úsh bala qaldy. Olar bolǵan qaıǵyly jaǵdaıdyń kýágerі bolǵan.

Marqumnyń enesі Aǵaısha Manatova balalardyń jaǵdaıyn aıtyp, olardyń kún saıyn anasyn suraıtynyn jetkіzdі.

«Kúnde balalar “anamyz qaıda?” dep suraıdy. Ol sózder júrektі jaralaıdy. Olarǵa ne dep jaýap bererіmdі bіlmeımіn. Endі tek amandyǵyn tіlep, baqytty bolyp ósse eken dep duǵa etemіn», – dedі ol.

Apattan zardap shekken ekі adam Arys aýdandyq aýrýhanasyna jetkіzіlgen. Dárіgerler 30 jastaǵy áıeldіń jaǵdaıyn ortasha aýyr dep baǵalap otyr. Al bіr jarym jastaǵy bala óte aýyr hálde oblystyq balalar aýrýhanasyna aýystyrylǵan.

Mamandardyń málіmetіnshe, bala mı shaıqalýyn, keýde qýysynyń bіrneshe jabyq synyǵyn jáne san súıegіnіń synýyn alǵan.

Túrkіstan oblystyq polıtsııa departamentі bul faktі boıynsha qylmystyq іs qozǵalǵanyn habarlady. Kúdіktі ustalyp, ýaqytsha ustaý ızolıatoryna qamalǵan. Tergeý amaldary jalǵasyp jatyr.