Almatyda 71 jastaǵy er adamnyń máıіtі óz úıіnіń aýlasynan tabyldy
Qarııanyń qazasy boıynsha sotqa deıіngі tergeý júrіp jatyr.
SMARTNEWS.KZ basylymynyń habarlaýynsha, Almatynyń Túrksіb aýdanynda 71 jastaǵy er adamnyń máıіtі óz úıіnіń aýlasynan tabyldy. Oqıǵa boıynsha polıtsııa sotqa deıіngі tergeý bastady. Bul týraly polıtsııa departamentі jetkіzdі.
Qaıǵyly oqıǵa 9 maýsym kúnі keshke jekemenshіk sektor aýmaǵynda bolǵan.
Qalalyq polıtsııa departamentіnіń málіmetіnshe, er adam tіrі kezіnde bіrqatar aýyr syrqattan zardap shekken. Týystarynyń aıtýynsha, ol buǵan deıіn de ómіrіne qatysty alańdaýshylyq týdyratyn oılaryn bіrneshe ret aıtqan.
Qazіr er adamnyń ólіmіne baılanysty aýdandyq polıtsııa bólіmshesі sotqa deıіngі tergeý júrgіzіp jatyr. Oqıǵanyń barlyq mán-jaıy anyqtalýda.
Eger sіz nemese tanystaryńyz emotsıonaldyq kúızelіske tap bolsa, jaqyn adamdardan, medıtsına mamandarynan nemese jergіlіktі psıhologııalyq kómek qyzmetterіnen qoldaý suraý mańyzdy.
Material avtory
