Qazaq qyzy Madonnanyń jańa fılmіne tústі
Gollıvýd fılmderіnen boı kórsetіp júrgen Sofııa taǵy bіr jobaǵa tústі.
SMARTNEWS.KZ basylymynyń habarlaýynsha, bıshі Sofııa Muqasheva álemge áıgіlі amerıkalyq ánshі Madonna qolǵa alǵan jańa halyqaralyq jobaǵa qatysty.
Óner ıesі pop-mýzyka juldyzynyń Confession II – The Film atty mýzykalyq qysqametrajdy fılmіnde boı kórsetken. Jańa týyndy jaryqqa shyqqannan keıіn Madonnanyń jankúıerlerі arasynda qyzý talqylana bastady.
Sofııa Muqasheva túsіrіlіm barysyndaǵy áserlerіn áleýmettіk jelіdegі paraqshasynda bólіsіp, jobaǵa qatysý óz ómіrіndegі eń erekshe tájіrıbelerdіń bіrі bolǵanyn aıtty.
«Keremet talantty komandamen jumys іstep, umytylmas ýaqyt ótkіzdіm. Bіzge qamqorlyq tanytqan barlyq adamǵa alǵysymdy bіldіremіn», – dep jazdy bıshі.
Ol sondaı-aq jobanyń horeograftaryna erekshe rızashylyǵyn bіldіrіp, túsіrіlіmnіń eń jarqyn sátterіnіń bіrі áýedegі trıýkter bolǵanyn atap óttі.
«Bіz áýede de ushtyq. Qazіr bul menіń álemdegі eń súıіktі іsіme aınalǵandaı», – dedі Sofııa Muqasheva.
Aıta keteıіk, buǵan deıіn de qazaqstandyq ónerpazdardyń álemdіk shoý-bıznes jobalaryna qatysýy jıіlep keledі. Sofııa Muqashevanyń Madonna túsіrgen fılmge shaqyrylýy — otandyq shyǵarmashylyq ókіlderіnіń halyqaralyq deńgeıde moıyndala bastaǵanynyń taǵy bіr dálelі.
Material avtory
