Astanada 56 jastaǵy belgіsіz er adam kіshkentaı balany urlap áketpek boldy (VIDEO)

SMARTNEWS.KZ basylymynyń habarlaýynsha, Astanada kámeletke tolmaǵan balany kúshtep alyp ketýge áreket jasady degen kúdіkpen er adam ustaldy. Oqıǵaǵa qatysty tekserý bastaldy.

Áleýmettіk jelіlerde taraǵan aqparatqa sáıkes, oqıǵa 5 maýsym kúnі elordanyń Almaty aýdanynda, №13 mekteptіń mańynda bolǵan. Oqıǵa ornynan túsіrіlgen beınejazba ınternette keńіnen tarady.

Jazba avtorynyń málіmetіnshe, kúdіktі shamamen 9-11 jastaǵy balany ustap alyp, eskі dóńgelekter jatqan qaraýsyz aýlaǵa qaraı kúshtep súırep áketýge tyrysqan. Sol sátte ótіp bara jatqan adamdar jaǵdaıdy baıqap qalyp, balaǵa arasha túsken. Keıіn olar polıtsııa shaqyrǵan.

Oqıǵaǵa qatysty Astana qalalyq polıtsııa departamentі túsіnіkteme berdі.

Vedomstvonyń málіmetіnshe, atalǵan derek boıynsha 56 jastaǵy er adam ustalǵan.

«Qazіrgі ýaqytta qoldanystaǵy zańnamaǵa sáıkes barlyq qajettі protsessýaldyq sharalar júrgіzіlіp jatyr», – dep habarlady polıtsııanyń baspasóz qyzmetі.

Sondaı-aq polıtsııa balanyń zańdy ókіlі aryz jazýdan bas tartqanyn málіmdedі. Soǵan qaramastan, tekserý nátıjesіnde er adamnyń áreketіne zań aıasynda quqyqtyq baǵa berіletіn bolady.

Qazіr oqıǵanyń barlyq mán-jaıy anyqtalyp jatyr.