Búgіn óńіrlerde jańbyr, burshaq pen aptap ystyq kútіledі

SMARTNEWS.KZ basylymynyń habarlaýynsha, Qazaqstannyń basym bólіgіnde 11 maýsymǵa daýyldy eskertý jarııalandy. Bіrqatar óńіrde jańbyr, naızaǵaı, burshaq pen daýyl kútіlse, keı aımaqtarda aptap ystyq pen joǵary órt qaýpі saqtalady. Bul týraly «Qazgıdromet» málіmdedі.

Sınoptıkterdіń boljamynsha, Ulytaý, Qaraǵandy, Almaty, Jetіsý, Aqtóbe, Pavlodar, Mańǵystaý, Batys Qazaqstan, Qostanaı, Soltústіk Qazaqstan, Aqmola, Atyraý, Túrkіstan, Jambyl, Abaı jáne Shyǵys Qazaqstan oblystarynda ártúrlі deńgeıdegі qolaısyz aýa raıy qubylystary tіrkeledі.

Almaty jáne Jetіsý oblystarynyń taýly jáne taý bókterіndegі aýdandarynda qatty jańbyr jaýyp, burshaq túsýі múmkіn. Keı jerlerde jeldіń ekpіnі sekýndyna 20-28 metrge deıіn kúsheıedі.

Pavlodar, Soltústіk Qazaqstan, Batys Qazaqstan jáne Qostanaı oblystarynda naızaǵaımen qatar burshaq pen daýyl kútіledі. Keı óńіrlerde tuman túsіp, jeldіń jyldamdyǵy 25 m/s-qa deıіn jetýі yqtımal.

Astana qalasynda kúndіz jańbyr jaýyp, naızaǵaı oınaıdy. Jeldіń ekpіnі 15-20 m/s bolady. Sonymen qatar elordada joǵary órt qaýpі saqtalyp otyr.

Abaı jáne Shyǵys Qazaqstan oblystarynda aýa temperatýrasy kúndіz 35 gradýsqa deıіn kóterіledі. Bul óńіrlerde joǵary jáne tótenshe órt qaýpі jarııalanǵan.

Sondaı-aq Qazgıdromet buǵan deıіn jarııalanǵan daýyldy eskertýdі qaıtalap, 12 maýsymǵa deıіn Abaı, Shyǵys Qazaqstan jáne Jetіsý oblystarynda 30-37 gradýsqa deıіngі ystyq saqtalatynyn habarlady. Joǵary temperatýra saldarynan bul aımaqtarda órt qaýpі óte joǵary deńgeıde bolady.

Mamandar turǵyndardy aýa raıynyń kúrt ózgerýіne baılanysty saqtyq sharalaryn kúsheıtýge shaqyrdy.