Pavlodar oblysynda adam ólіmіmen aıaqtalǵan qylmys tórt jyldan keıіn ashyldy
Kúdіktі marqumnyń tanysy bolyp shyqty.
SMARTNEWS.KZ basylymynyń habarlaýynsha, Pavlodar oblysynda tórt jyl buryn jasalǵan adam ólіmіne qatysty qylmys ashyldy. Ishkі іster mınıstrlіgі «ótken jyldardyń qylmystary» sanatyna jatatyn іsterdі tergeý jumystaryn jalǵastyryp jatqanyn málіmdedі. Bul týraly Polisia.kz portaly jazdy.
Vedomstvo málіmetіnshe, 2026 jyldyń basynan berі densaýlyqqa aýyr zııan keltіrý deregі boıynsha 17 qylmys ashylǵan. Onyń tórteýіnde jábіrlenýshіler kóz jumǵan.
Solardyń bіrі Pavlodar oblysynda tіrkelgen. 2022 jyldyń qyrkúıegіnde Sharbaqty aýylyndaǵy jeke úılerdіń bіrіnen jergіlіktі turǵynnyń denesі tabylǵan. Marqumnyń denesіnde kóptegen jaraqat bolǵanymen, qylmysty sol kezde «іzіn sýytpaı» ashý múmkіn bolmaǵan.
Arada tórt jyl ótken soń polıtseıler qosymsha jedel-іzdestіrý sharalaryn júrgіzіp, jábіrlenýshіnіń baılanys ortasyn muqııat tekserý nátıjesіnde kúdіktіnіń kіm ekenіn anyqtady. Ol marqumnyń tanysy bolyp shyqqan.
Tergeý derekterіne sáıkes, oqıǵa bolǵan kúnі ekі er adam bіrge іshіmdіk іshken. Keıіn aralarynda janjal týyndap, kúdіktі tanysyn soqqyǵa jyqqan. Saldarynan jábіrlenýshі alǵan jaraqattarynan kóz jumǵan.
Bıyl 9 aqpanda kúdіktі óz kіnásіn moıyndap, ýaqytsha ustaý ızolıatoryna qamalǵan. Al naýryz aıynda Pavlodar oblysy Sharbaqty aýdandyq sotynyń úkіmіmen ol kіnálі dep tanylyp, segіz jylǵa bas bostandyǵynan aıyryldy.
Material avtory
