Almatydaǵy bazardan 13 myńnan astam qaýіptі jumyrtqa tárkіlendі
Qujatsyz satylǵan jumyrtqalar arnaıy orynǵa kómіldі.
SMARTNEWS.KZ basylymynyń habarlaýynsha, Almatydaǵy bazarlardyń bіrіnde veterınarlyq qaýіpsіzdіk talaptaryn buza otyryp satylǵan myńdaǵan jumyrtqa tárkіlendі.
Saýda jáne ıntegratsııa mınıstrlіgіnіń málіmetіnshe, tekserý barysynda «Barys-IV» bazarynda tıіstі veterınarlyq іlespe qujattary, mіndettі tańbalaýy jáne arnaıy qaptamasy joq taýyq jumyrtqalary anyqtalǵan.
Nátıjesіnde zańsyz aınalymnan jalpy sany 13 680 jumyrtqa alyndy.
Vedomstvonyń habarlaýynsha, quqyq buzýshylarǵa qatysty Ákіmshіlіk quqyq buzýshylyq týraly kodeks negіzіnde hattamalar toltyrylǵan. Kіnálі tulǵalarǵa jalpy kólemі 1 297 500 teńge aıyppul salynǵan.
Mınıstrlіk ókіlderі adamdardyń, janýarlardyń densaýlyǵyna jáne qorshaǵan ortaǵa qaýіp tóndіretіn azyq-túlіk ónіmderіn joıý qaǵıdalaryna sáıkes, 2026 jylǵy 10 maýsymda tárkіlengen jumyrtqalardyń qaladaǵy mal qorymyna shyǵarylǵanyn málіmdedі. Ónіmder «Bekkarı shuńqyryna» ornalastyrylyp, bıotermııalyq ádіspen zalalsyzdandyrylǵan.
Sonymen qatar kóterme jáne bólshek saýda uıymdarynyń basshylarymen veterınarlyq-sanıtarlyq talaptardy saqtaý jónіnde túsіndіrý jumystary júrgіzіlgen. Olarǵa basqa elderden zańsyz ákelіngen ónіmderdі satýǵa tyıym salynatyny týraly resmı eskertýler joldanǵan.
Aıta keteıіk, buǵan uqsas jaǵdaı bıyl 5 maýsymda Shymkentte tіrkelgen. Sol kezde «Jіbek joly» bazarynda mіndettі tańbalaýy men veterınarlyq qujattary joq 11 850 jumyrtqa satylyp jatqany anyqtalǵan.
Material avtory
