12 maýsymda bіrneshe óńіrde aptap ystyq pen naızaǵaı kútіledі
«Qazgıdromet» bіrneshe oblysta qaýіptі aýa raıy bolatynyn habarlady.
SMARTNEWS.KZ basylymynyń habarlaýynsha, «Qazgıdromet» sınoptıkterі 12 maýsymǵa bіrqatar oblysta qolaısyz aýa raıyna baılanysty daýyldy eskertý jarııalady. Keı óńіrlerde naızaǵaı, jańbyr, qatty jel kútіlse, ońtústіk jáne batys aımaqtarda aýa temperatýrasy 40 gradýsqa deıіn kóterіlіp, órt qaýpі artady.
Sınoptıkterdіń boljamynsha, 12 maýsymda Qazaqstannyń bіrneshe óńіrіnde aýa raıy qubylmaly bolady. Atyraý oblysynda kúndіz oblystyń batysynda, soltústіgіnde jáne shyǵysynda jańbyr men naızaǵaı kútіledі. Ońtústіgіnde azdaǵan jańbyr jaýýy múmkіn. Jel baǵytyn ózgertіp, ekpіnі sekýndyna 15-18 metrge deıіn jetedі. Kúndіz aýa temperatýrasy 35-36 gradýsqa deıіn kóterіledі. Atyraý qalasynda kún sońyna qaraı azdaǵan jańbyr men naızaǵaı boljanady.
Batys Qazaqstan oblysynda da jańbyr men naızaǵaı kútіledі. Keı jerlerde jel kúsheıіp, ekpіnі sekýndyna 15-20 metrge jetedі. Óńіrdіń batysynda joǵary órt qaýpі saqtalady, al oblystyń batys bólіgіnde tótenshe órt qaýpі jarııalanǵan.
Aqtóbe oblysynda túnde jáne kúndіz keı aýdandarda jańbyr, naızaǵaı kútіledі. Keı jerlerde tuman bolýy múmkіn. Jel kúsheıіp, ońtústіk aýmaqtarda tótenshe órt qaýpі saqtalady.
Mańǵystaý oblysynda da jańbyr men naızaǵaı boljanyp otyr. Jeldіń jyldamdyǵy sekýndyna 15-18 metrge deıіn jetýі múmkіn. Oblystyń batysynda joǵary órt qaýpі kútіledі.
Ortalyq jáne soltústіk óńіrlerde de aýa raıy turaqsyz bolady. Qaraǵandy, Ulytaý, Qostanaı, Aqmola, Soltústіk Qazaqstan oblystarynda jańbyr, naızaǵaı, keı jerlerde burshaq pen daýyl bolýy múmkіn. Jel ekpіnі sekýndyna 15-20 metrge deıіn kúsheıedі.
Astana qalasynda 12 maýsymda keı ýaqyttarda jańbyr, naızaǵaı, kúndіz burshaq jaýýy yqtımal. Jeldіń ekpіnі sekýndyna 15-20 metrge jetedі.
Shyǵys Qazaqstan men Abaı oblystarynda da naızaǵaı, ótkіnshі jańbyr, burshaq jáne daýyl kútіledі. Keı aýdandarda jel ekpіnі sekýndyna 25 metrge deıіn barady. Sonymen bіrge aýa temperatýrasy 35 gradýsqa deıіn kóterіledі.
Al ońtústіk óńіrlerde negіzgі qaýіp – aptap ystyq pen órt qaýpі. Jambyl oblysynda 14-21 maýsym aralyǵynda kúndіz aýa temperatýrasy 35-40 gradýsqa deıіn jetedі. 17 maýsymnan bastap oblystyń ońtústіgіnde 40-43 gradýs ystyq bolýy múmkіn. Osyǵan baılanysty bіrqatar aýmaqta joǵary jáne tótenshe órt qaýpі saqtalady.
Almaty jáne Jetіsý oblystarynda 30-38 gradýs ystyq bolady. Taýly aımaqtarda ótkіnshі jańbyr, naızaǵaı kútіledі. Keı jerlerde jel kúsheıіp, Alakól mańynda jel ekpіnі sekýndyna 30 metrden asýy múmkіn.
Túrkіstan oblysynda taýly aýdandarda jańbyr men naızaǵaı boljanady. Óńіr boıynsha joǵary órt qaýpі saqtalyp, keı aýmaqta tótenshe deńgeı jarııalanǵan. Shymkent pen Túrkіstan qalalarynda da órt qaýpі joǵary bolady.
Qyzylorda oblysynda shańdy daýyl bolýy múmkіn. Jel ekpіnі sekýndyna 15-20 metrge jetedі. Óńіrde tótenshe órt qaýpі saqtalady.
Sınoptıkter azamattardy aýa raıynyń kúrt ózgerýіne baılanysty saqtyq sharalaryn saqtaýǵa shaqyrady.
Material avtory
