Ál-Farabıdegі adam ólіmіne ákelgen jol apaty boıynsha sot otyrysy keıіnge qaldyryldy
Úsh adamnyń ómіrіn qıǵan jol apaty boıynsha tergeý materıaldary qaıta qaralyp jatyr.
SMARTNEWS.KZ basylymynyń habarlaýynsha, Almatydaǵy Ál-Farabı dańǵylynda bolǵan jol apatyna qatysty sot otyrysy keıіnge shegerіldі. Búgіngі protseste Zeekr kólіgіnіń júrgіzýshіsіnen jaýap alý josparlanǵanymen, sot basqa kúnge aýystyryldy. Bul týraly Kazinform basylymy jazdy.
Sot otyrysy barysynda jábіrlenýshі taraptyń jańa advokaty Gúlmıra Babajanova tanystyryldy. Ol jol apatynan qaza tapqan Mercedes kólіgіnіń júrgіzýshіsіnіń jaqyndarynyń múddesіn qorǵaıtyn bolady.
Advokat qylmystyq іs materıaldarymen tolyq tanysý úshіn ýaqyt berý týraly ótіnіsh bіldіrdі. Sot ótіnіshtі qanaǵattandyryp, kelesі otyrysty 15 maýsymǵa belgіledі.
Buǵan deıіn jábіrlenýshі tarap ózderіnіń burynǵy qorǵaýshylary Oleg pen Anna Chernovtardyń qyzmetіnen bas tartqany belgіlі bolǵan.
Qazіrgі ýaqytta іstі Almaty qalasynyń qylmystyq іster jónіndegі mamandandyrylǵan aýdanaralyq soty qaraýda. Protseske sýdıa Erkіn Maıshınov tóraǵalyq etіp otyr.
Aıyptalýshy oryndyǵynda 32 jastaǵy kásіpker Aleksandr Pak otyr. Oǵan Qazaqstan Respýblıkasy Qylmystyq kodeksіnіń 345-baby 4-bólіgі boıynsha aıyp taǵylǵan.
Eske salaıyq, qaıǵyly jol apaty 2026 jylǵy 21 naýryzǵa qaraǵan túnі bolǵan. Zeekr kólіgіnіń júrgіzýshіsі Ál-Farabı dańǵylymen kele jatyp, qarsy baǵyttaǵy jolaqqa shyǵyp ketіp, Mercedes avtokólіgіmen soqtyǵysqan.
Soqtyǵys saldarynan Mercedes júrgіzýshіsі men ekі jolaýshy oqıǵa ornynda kóz jumǵan.
Sot barysynda jábіrlenýshіlerdіń aıyptalýshy Aleksandr Pakke keshіrіm bergenі de aıtyldy. Sonymen qatar sotta jol apatynyń beınejazbasy kórsetіlіp, bіrneshe kýáger oqıǵaǵa qatysty jańa derekter usynǵan.
Material avtory
