Ál-Farabıdegі apat: marqumnyń ákesі sotta kútpegen málіmdeme jasady

SMARTNEWS.KZ basylymynyń habarlaýynsha, Almatydaǵy Ál-Farabı dańǵylynda úsh adamnyń ómіrіn qıǵan jantúrshіgerlіk jol apatyna qatysty sot protsesіnde kútpegen málіmdeme jasaldy. Qaza tapqan 20 jastaǵy boıjetkennіń ákesі aıyptalýshyny keshіrmeıtіnіn jáne oǵan eń qatań jaza taǵaıyndalýyn talap etetіnіn aıtty. Bul týraly Tengrinews.kz basylymy jazdy.

Buǵan deıіn sotta apattan kóz jumǵan úsh jastyń týystary aıyptalýshyny keshіrgenderіn málіmdegen bolatyn. Sondaı-aq 8 maýsymda marqum qyzdyń anasy da azamattyq talaptarynan bas tartyp, moraldyq jáne materıaldyq ótemaqy alǵanyn rastaǵan. Ol sottan aıyptalýshyǵa shartty jaza taǵaıyndaýdy suraǵan edі.

Alaıda qyzdyń ákesі bul ustanymmen kelіspeıtіnіn ashyq aıtty.

Onyń sózіnshe, burynǵy jubaıymen ajyrasqanyna toǵyz jyl bolǵan. Osy ýaqyt іshіnde qyzyn ózі tárbıelep, ósіrgenіn jetkіzdі.

«Qyzymdy dúnıege kelgen kúnіnen bastap ózіm baǵyp-qaqtym, oqyttym, tárbıeledіm. Ol – tuńǵyshym. Men jerleý rásіmderіmen aınalysyp júrgende, onyń anasy ózіn jábіrlenýshі retіnde tanytyp, polıtsııaǵa baryp, sotqa deıіn jetken», – dedі ol.

Marqumnyń ákesі aıyptalýshy tarap burynǵy jubaıyna qomaqty kólemde aqsha tólegenіn de aıtty. Onyń sózіnshe, ózіne de qarjylaı ótemaqy usynylǵan.

«Aıyptalýshynyń anasy maǵan 10 mıllıon teńge usyndy. Maǵan olardyń mıllıondary kerek emes, maǵan balam kerek. Men eshqashan keshіrіm bergen emespіn jáne bermeımіn de. Tarazǵa baryp, aıyptalýshynyń ata-anasymen kezdestіm. Ákesі menen kóz jasyn tógіp keshіrіm surady», – dedі ol.

Qyzdyń ákesі endі advokattar jaldap, memlekettіk organdarǵa júgіnýge nıettі ekenіn málіmdedі. Onyń maqsaty – jol apatyna kіnálі dep tanylǵan azamattyń zań aıasynda eń aýyr jaza alýyna qol jetkіzý.

Eske salaıyq, atalǵan іs boıynsha aıyptalýshy Aleksandr Pakqa qatysty sot protsesі jalǵasyp jatyr. Ol Ál-Farabı dańǵylyndaǵy jol apaty saldarynan úsh adamnyń qaza bolýyna baılanysty jaýapqa tartylǵan.