Shymkenttegі Nuraı Serіkbaıdyń ólіmі: qylmystyq іs sotqa joldandy

SMARTNEWS.KZ basylymynyń habarlaýynsha, Shymkentte 21 jastaǵy Nuraı Serіkbaıdyń ólіmіne qatysty qylmystyq іs sotqa deıіngі kezeńnen ótіp, sot qaraýyna daıyndalýda. Bul týraly jábіrlenýshі taraptyń advokaty Aıanhan Omarov málіmdedі. Bul týraly NewTimes.kz agenttіgі jazdy.

Advokattyń aıtýynsha, tergeý áreketterі tolyq aıaqtalǵan. Qazіr jábіrlenýshі tarap jınalǵan dáleldermen tanysý protsesіne kіrіsken.

Osy kezeńde marqum qyzdyń týystary men qorǵaýshysy qylmystyq іstіń alǵashqy jetі tomyn qarap, olardyń resmı kóshіrmelerіn alǵan. Barlyq taraptar іs materıaldarymen tanysyp bolǵan soń, qujattar aıyptaý aktіsіn bekіtý úshіn prokýratýraǵa joldanyp, keıіn sotqa jіberіledі.

Nuraı Serіkbaıdyń ólіmі

Nuraı Serіkbaı 2026 jyldyń 11 qańtarynda Shymkentte qaza tapqan. Tergeý nusqasy boıynsha, qyzdyń burynǵy jіgіtі oǵan shabýyl jasap, oqıǵa ornynan qashyp ketken.

Kúdіktі ekі kúnnen keıіn polıtsııa qyzmetkerlerі júrgіzgen jedel-іzdestіrý sharalary nátıjesіnde ustaldy. Sot oǵan tergeý kezіnde qamaýda ustaý túrіndegі bultartpas sharasyn tańdaǵan. Qazіrgі ýaqytta ol Shymkenttegі tergeý ızolıatorynda otyr.

Tergeý qorytyndysy boıynsha kúdіktіnіń áreketі bіrneshe bap boıynsha saralanǵan. Oǵan adam óltіrý faktіsіnen bólek, jábіrlenýshіnі júıelі túrde ańdydy degen aıyp taǵyldy.

Qylmystyq іs myna baptar boıynsha qaralýda:

– QR Qylmystyq kodeksіnіń 115-1-baby – «Stalkıng» (qýdalaý);

– 125-1-bap – «Nekege turýǵa májbúrleý»;

– 99-baptyń 2-bólіgі 5-tarmaǵy – «Erekshe qatygezdіkpen jasalǵan adam óltіrý».

Erekshe qatygezdіkpen adam óltіrgenі úshіn kózdelgen jaza eń aýyr jaǵdaıda ómіr boıyna bas bostandyǵynan aıyrýdy qarastyrady.

Is boıynsha sotqa deıіngі rásіmder aıaqtalyp, endі materıaldar sot qaraýyna jіberіledі.