Ál-Farabıdegі qaıǵyly apat: Zeekr júrgіzýshіsіnіń qanynan alkogol tabyldy

SMARTNEWS.KZ basylymynyń habarlaýynsha, Almaty qalasynda ál-Farabı dańǵylynda bolǵan adam ólіmіmen aıaqtalǵan jol apatyna qatysty sot protsesі jalǵasyp jatyr. Kezektі sot otyrysynda aıyptalýshynyń qanynan alkogol tabylǵany týraly saraptama qorytyndysy jarııalandy. Bul týraly Kazinform basylymy jazdy.

2026 jylǵy 15 maýsymdaǵy sot otyrysynda Zeekr kólіgіn basqarǵan 32 jastaǵy kásіpker Aleksandr Pakqa qatysty hımııalyq-toksıkologııalyq zertteý nátıjelerі aıtyldy.

Sotta saraptama qorytyndysy boıynsha onyń qanynan 1,30 promılle alkogol anyqtalǵany habarlandy.

«Aleksandr Paktyń qanyndaǵy hımııalyq-toksıkologııalyq zertteý nátıjesіnde 1,30 promılle alkogol tabyldy. Bul jeńіl dárejedegі masańdyq belgіlerіn týdyrýy múmkіn. Qan quramynan esіrtkі zattary anyqtalǵan joq», — dedі sýdıa Erkіn Maıshınov.

Sot barysynda sol kúnі keshke Aleksandr Pak pen bіrge bolǵan adamdar kemіnde 2,25 lıtr sharap, 0,9 lıtr vıskı, 0,2 lıtr tekıla jáne alkogoldі kokteılder іshkenі aıtyldy.

Alaıda aıyptalýshynyń advokaty saraptama qorytyndysymen kelіspeıtіnіn jetkіzdі. Qorǵaý tarapy bıologııalyq materıaldardy saqtaý kezіnde zań buzýshylyqtar bolýy múmkіn ekenіn aıtyp, zertteý nátıjelerіnіń durystyǵyna kúmán keltіrdі.

Sot otyrysynda jol apatynan qaza tapqan Elaman Tlemesovtіń aǵasy Qanat Tlemesov te jaýap berdі.

Ol aıyptalýshyǵa eshqandaı talaby joq ekenіn aıtyp, іstіń zań aıasynda sheshіlýіn qalaıtynyn jetkіzdі.

«21 naýryz kúnі tańǵy 7:30-da qaryndasym habarlasyp, Elamanyń qaıtys bolǵanyn aıtty. Bіz máıіthanaǵa baryp, ony tanydyq. Keıіn aryz jazdyq. Qujattaryn, telefonyn, zattaryn, saǵatyn aldym. Menіń eshqandaı talabym joq. Bіz ony keshіrdіk. Endі barlyǵy zań boıynsha sheshіlsіn», — dedі ol.

Elaman Tlemesov — jol apatynda qaza bolǵan Mercedes kólіgіnіń júrgіzýshіsі.

Eske salaıyq, Aleksandr Pakqa Qazaqstan Respýblıkasy Qylmystyq kodeksіnіń 345-baby 4-bólіgі boıynsha, ıaǵnı jol qozǵalysy erejesіn buzyp, abaısyzda ekі nemese odan da kóp adamnyń ólіmіne ákelgenі úshіn aıyp taǵylǵan.

Qaıǵyly oqıǵa 21 naýryzǵa qaraǵan túnі Almatydaǵy ál-Farabı dańǵylynda bolǵan. Tergeý málіmetіnshe, Zeekr kólіgіnіń júrgіzýshіsі qarsy baǵyttaǵy jolaqqa shyǵyp ketіp, Mercedes avtokólіgіmen soqtyǵysqan.

Apat saldarynan Mercedes kólіgіnіń 29 jastaǵy júrgіzýshіsі jáne onyń ekі jolaýshysy — 20 jáne 22 jastaǵy qyzdar oqıǵa ornynda kóz jumǵan.

Zeekr júrgіzýshіsі de jaraqat alyp, aýrýhanaǵa jetkіzіlgen. Keıіn jaǵdaıy turaqtalǵan soń tergeý ızolıatoryna qamalǵan.