Ál-Farabıdegі tragedııa: Zeekr júrgіzýshіsі jalǵan nómіrge túsіnіk berdі
Sot barysynda aıyptalýshynyń bіrneshe avtokólіkke ıelіk etetіnі belgіlі boldy.
SMARTNEWS.KZ basylymynyń habarlaýynsha, Almatyda ál-Farabı dańǵylyndaǵy úsh adamnyń ómіrіn qıǵan rezonansty jol apatyna qatysty sot otyrysynda Zeekr kólіgіnіń júrgіzýshіsі Aleksandr Pak jaýap berdі. Ol kólіkke ne sebeptі jalǵan memlekettіk nómіr taǵylǵanyn túsіndіrdі. Bul týraly Zakon.kz basylymy jazdy.
2026 jylǵy 15 maýsymda ótken sotta prokýror Álіbek Kúmіsbekov aıyptalýshydan qaıǵyly oqıǵa bolǵan kúnі Zeekr kólіgіne nege basqa kólіktіń memlekettіk nómіrі ornatylǵanyn surady.
Aıyptalýshynyń aıtýynsha, onyń ekі kólіgі de ózіne tıesіlі bolǵan.
«Ekі kólіk te menіkі. Bіrі kompanııa atyna, ekіnshіsі jeke atymda tіrkelgen. Zeekr kólіgіnіń bіr memlekettіk nómіrіn joǵaltyp aldym, sondyqtan ony basqa kólіktіń nómіrіmen aýystyrdym. Munda eshqandaı maqsat bolǵan joq, ol nómіrge aıyppuldar da túsіp, bárі tólenіp otyrdy», — dedі Aleksandr Pak.
Sot barysynda belgіlі bolǵandaı, buǵan deıіn almatylyq azamat Range Rover jáne BMW kólіkterіn paıdalanǵan. Qazіrgі ýaqytta onyń atyna Zeekr, Kia jáne Hyundai markaly bіrneshe avtokólіk tіrkelgen.
Aıyptalýshy buǵan deıіn sotta jol apaty bolǵan túnі kólіgіnіń іsten shyǵyp, qate sıgnal bergenіn de aıtqan.
Material avtory
