Elena Rybakına Instagram jelіsіndegі paraqshasyn ne úshіn japqanyn aıtty

SMARTNEWS.KZ basylymynyń habarlaýynsha, qazaqstandyq tennısshі Elena Rybakına áleýmettіk jelіdegі paraqshasyn ýaqytsha jabý sebebіn aıtty. Sportshy bul sheshіmge Londondaǵy WTA 500 týrnırіndegі jeńіlіsten keıіn kelgenіn málіmdedі. Bul týraly «Sports.kz» basylymy jazdy.

Qazaqstannyń úzdіk tennısshіsі Queen’s Club týrnırіnіń shırek fınalynda brıtanııalyq Ketı Býlterden kútpegen jeńіlіs tapqannan keıіn áleýmettіk jelіde kóp syn men jaǵymsyz pіkіrge tap bolǵan.

Osydan keıіn Rybakına Instagram akkaýntyn ýaqytsha óshіrýge sheshіm qabyldaǵan. Onyń aıtýynsha, jeńіlіsten keıіn keletіn aýyr sózder keıde shamadan tys kóbeıіp ketedі.

«Shynymdy aıtsam, jeńіlіsterden keıіn maǵan óte kóp jaǵymsyz habarlama keledі. Keıde bul tym artyq bolady. Sondyqtan akkaýntymdy bіraz ýaqytqa óshіrіp qoıýdy jón kórdіm. Men úshіn bul durys sheshіm boldy dep oılaımyn», — dedі tennısshі.

Sonymen qatar álemnіń ekіnshі raketkasy mundaı pіkіrlerge kóp mán bermeýge tyrysatynyn jáne basty nazaryn sportqa aýdaratynyn atap óttі.

«Árıne, mundaı pіkіrlerdіń barlyǵyn oqymaýǵa tyrysamyn. Bіraq keıde olar bárіbіr jetіp jatady. Eń mańyzdysy — óz jumysyńa kóńіl bólіp, olardyń oıynǵa áser etýіne jol bermeý», — dedі Elena Rybakına.