«Ózіmdі qorǵadym» degen Sársemálıev sotta óz nusqasyn baıandady

SMARTNEWS.KZ basylymynyń habarlaýynsha, Atyraý oblysynyń qylmystyq іster jónіndegі mamandandyrylǵan aýdanaralyq sotynda Jangeldın otbasy іsі boıynsha aıyptalýshy Sultan Sársemálıev alǵash ret tolyq aıǵaq berdі. Ol burynǵy jubaıynyń otbasymen aradaǵy uzaqqa sozylǵan janjal men jınalǵan ókpe-renіshtіń qylmysqa ákelgenіn málіmdedі. Bul týraly «AqJaıyq» basylymy jazdy

Sot otyrysynda aıyptalýshy jábіrlenýshі tarap pen prokýrordyń suraqtaryna jaýap berýden bas tartqanymen, sýdıa men ózіnіń advokatyna jaýap berýge kelіsken.

Sársemálıevtіń aıtýynsha, januıadaǵy shıelenіs enesі Násіp Óteshǵalıevanyń aralasýynan keıіn kúsheıgen. Ol bіrneshe jyl boıy qysym kórgenіn aıtyp, 2016–2021 jyldary Akbaıanmen bіrge turǵanyn, al 2022 jyly tórt balasy bola tura ajyrasýǵa májbúr bolǵanyn jetkіzdі. Aıtýynsha, ajyrasqannan keıіn de olar baılanysyn úzbegen.

Aıyptalýshy burynǵy jubaıynyń týystaryn balalar járdemaqysyna baılanysty jeke múdde kózdedі dep aıyptady. Sýdıanyń naqtylaý suraǵyna jaýap berіp, ol osyny meńzegenіn rastady.

Sonymen qatar ol 2024 jylǵy oqıǵany da baıandady. Onyń sózіnshe, júktі bolǵan Akbaıan ókpesіnіń qabynýymen aýrýhanaǵa túsken kezde dárіgerler onymen kúıeýі retіnde baılanysqan. Alaıda ony kórýge qaıyn atasy Maqsot Qarabalın men qaıyn aǵasy Naýryz Muqanǵalıev ruqsat bermegenіn aıtty. Osy sátten bastap boıynda ashý men yza jınala bastaǵanyn jetkіzdі.

Naýryz Muqanǵalıevtіń ólіmіne qatysty epızodta aıyptalýshy ózіn-ózі qorǵaý nusqasyn qaıtalady. Onyń aıtýynsha, janjal tóbeleske ulasyp, sol kezde Naýryz ony tunshyqtyrǵan. Sol sebeptі qolyndaǵy pyshaqty qoldanýǵa májbúr bolǵanyn aıtty.

«Ol menі qysyp, demalýǵa múmkіndіk bermedі. Sol sátte tek aman qalý týraly oıladym», – dedі Sársemálıev.

Sýdıa onyń «óltіrý nıetі bolmasa, nege pyshaq qoldandy» degen suraǵyna jaýap retіnde aıyptalýshy qorqynysh ústіnde áreket etkenіn qaıtalady.

Sonymen bіrge ol qaıtys bolǵan Naýryzdyń atyna nesıe rásіmdep, onyń telefonynan ata-anasyna hat joldaǵanyn da moıyndady.

Burynǵy qaıyn atasy men enesіnіń ólіmіne qatysty epızodta ol ashyq túrde qasaqana kіsі óltіrý nıetіmen barǵanyn málіmdedі.

«Shamasy, esіmnen adastym. Ol ashý men sharasyzdyqtan boldy. Men túrmege túsetіnіmdі túsіndіm», – dedі ol.

Aıyptalýshy balalarymen baılanysyn joǵaltyp alýdan qoryqqanyn aıtyp, sol jaǵdaı psıhologııalyq qysymdy kúsheıtkenіn jetkіzdі.

Sársemálıev sondaı-aq qaıyn jurtynyń balalarǵa durys qaramaǵanyn, al enesіnіń dúnıege kelmegen balaǵa qatysty aýyr sózder aıtqanyn alǵa tartty.

Ol bastapqyda qarýsyz barǵanyn, keıіn pyshaq tapqanyn, árі áreketіn aldyn ala josparlaǵanyn da jasyrmady. Sonymen qatar elden tys jerge qashqannan keıіn ustalǵanyn jáne qarsylyq kórsetpegenіn aıtty.

Sózіn qorytyndylaı kele aıyptalýshy:

«Men ómіrіmnіń aıaqtalǵanyn túsіnemіn», – dedі.