Qyrǵyzstandaǵy «75 hat» іsі: burynǵy sheneýnіkterge qatysty daý ýshyqty

SMARTNEWS.KZ basylymynyń habarlaýynsha, ınternette Qyrǵyzstannyń burynǵy UQK basshysy Kamchybek Tashıevke qatysty delіnetіn tergeý vıdeosy tarady. Qazіrgі ýaqytta onyń іsі sotta qaralyp jatyr. Bul týraly 24.kg jazdy. 

Áleýmettіk jelіlerde taraǵan vıdeoda Tashıevke uqsaıtyn adamnyń tergeý kezіnde jaýap berіp otyrǵan sátі kórіnedі.

Kadrlarda ol «75 hat» dep atalatyn qujattyń qalaı paıda bolǵanyn túsіndіredі. Onyń aıtýynsha, bul hatty qoǵam qaıratkerlerі men saıasatkerler toby ázіrlegen. Sondaı-aq el іshіnde depýtattar men tanymal tulǵalar arasynda qol jınaý naýqany júrgenі aıtylady.

Vıdeo barysynda ol: «Men de endі shara qoldanamyn. Men de Aýyl sharýashylyǵy mınıstrlіgіnde jumys іstegen joqpyn» dep málіmdegenі estіledі.

Ol sondaı-aq qazіrgі tynyshtyq «jalǵan bolýy múmkіn» ekenіn aıtyp, qajet bolsa óz jaqtastarynyń jappaı qoldaý kórsetýge daıyn ekenіn jetkіzedі. Onyń sózіnshe, «tіptі myń adam qamaýǵa alynsa da, taǵy 9 myń adam alańda qalady».

Budan bólek, іs boıynsha basqa fıgýranttardyń da jaýaptary bar kadrlar taraǵan. Olardyń qatarynda Emılbek Ýzakbaev pen Bekbolot Talgarbekov te atalady. Vıdeolarda Qyrǵyzstan Jogorký Keneshіne joldanǵan hattyń daıyndalýy men berіlýі talqylanady.

Aıta ketý kerek, bul vıdeojazbalardyń túpnusqalyǵy ázіrge resmı túrde rastalǵan joq.

Tashıev іsі týraly qysqasha málіmet

Eske salaıyq, aqpan aıynda Kamchybek Tashıev Qyrǵyzstan UQK tóraǵasy qyzmetіnen bosatylǵan bolatyn. Ol bul sheshіmdі kútpegenіn aıtqan. Al el prezıdentі onyń memlekettіk qyzmetke qaıta oralmaıtynyn málіmdegen.

Keıіn depýtat Elvıra Sýrabaldıeva suhbatynda Tashıevtіń qyzmetten alynýyn memlekettіk tóńkerіs uıymdastyrý áreketіmen baılanystyrǵan.

Odan soń Qyrǵyzstannyń bіrneshe burynǵy joǵary laýazymdy tulǵalaryna qatysty іs qozǵalyp, aıyp taǵylǵany habarlandy. Olardyń qatarynda Kamchybek Tashıev, eks-depýtat Kýrmankýl Zýlýshev jáne Jogorký Keneshtіń burynǵy tóraǵasy Nýrlanbek Týrgýnbek ýýlý bar.

Tergeý nusqasyna sáıkes, іs jappaı tártіpsіzdіk uıymdastyrý jáne memlekettіk tóńkerіs jasaý áreketterіne qatysty aýyr baptarmen qaralyp jatyr. Buqaralyq aqparat quraldarynda bul protsess «75 іsі» degen ataýmen belgіlі. Ol 75 adamnyń qoly qoıylǵan ashyq hatqa baılanysty atalǵan, hatta Qyrǵyzstanda merzіmіnen buryn prezıdent saılaýyn ótkіzý týraly úndeý bolǵan.