Depýtat TikTok, YouTube pen Instagram-daǵy kontentterge shekteý qoıýdy usyndy

SMARTNEWS.KZ basylymynyń habarlaýynsha, Májіlіste depýtat Danabek Isabekov qazaq tіlіndegі sapaly kontent tapshylyǵy máselesіn kóterіp, TikTok, YouTube jáne Instagram platformalaryndaǵy zııandy aqparatty shekteý qajettіgіn usyndy.

Depýtattyń aıtýynsha, qazіrgі tańda eń ózektі problemalardyń bіrі – qazaq tіlіndegі sapaly árі tanymdyq kontenttіń azdyǵy. Ol bul jaǵdaıdy tek mádenı másele emes, aqparattyq qaýіpsіzdіkpen tіkeleı baılanysty másele retіnde baǵalady.

Isabekov áleýmettіk jelіlerdіń yqpalyna erekshe toqtaldy.

Onyń pіkіrіnshe, TikTok qazіr balalardyń sanasyna mektepke deıіn-aq áser etіp jatyr. Jazǵy demalys kezіnde jasóspіrіmderdіń ınternette otyrý ýaqyty bіrneshe ese artady. Sonyń saldarynan olar onlaın oıyndarǵa, qysqa vıdeolarǵa jáne rettelmegen kontentke táýeldі bolyp, algorıtmdіk aqparattyq yqpaldyń ortasyna túsedі.

Depýtat muny áleýmettіk árі psıhologııalyq turǵydan qaýіptі qubylys dep atady.

Isabekovtіń aıtýynsha, balalarǵa arnalǵan qazaq tіlіndegі kontent, tanymdyq platformalar, anımatsııalar men ǵylymı-aǵartýshylyq jobalar jaһandyq platformalardaǵy aqparat tasqynymen básekege túse almaı otyr.

Sonyń saldarynan ulttyq mádenı kod álsіrep, aqparattyq keńіstіkte sheteldіk yqpal kúsheıіp keledі. Depýtat qazіrgі tsıfrlyq dáýіrde memlekettіń shekarasy tek jermen emes, aqparatpen de qorǵalatynyn atap óttі.

Májіlіs depýtaty Ońtústіk Koreıa, Qytaı, Frantsııa, Germanııa jáne Túrkııa tájіrıbesіn mysalǵa keltіrіp, bul elder tsıfrlyq keńіstіktі ulttyq ıdeologııanyń mańyzdy alańy retіnde qarastyratynyn aıtty.

Isabekov bіrqatar naqty usynys engіzdі:

Balalarǵa arnalǵan qazaq tіlіndegі sapaly tsıfrlyq kontenttі damytý boıynsha ulttyq deńgeıdegі naqty memlekettіk strategııa qabyldaýdy;  

Jazǵy kanıkýl kezeńіnde jasóspіrіmderdіń ınternet qaýіpsіzdіgіn qamtamasyz etýge baǵyttalǵan arnaıy profılaktıkalyq jáne aǵartýshylyq sharalardy kúsheıtýdі;  

TikTok, YouTube, Instagram jáne ózge de tsıfrlyq platformalardaǵy balalar psıhologııasyna kerі áser etetіn kontenttі shekteý boıynsha quqyqtyq jáne tehnıkalyq tetіkterdі jetіldіrýdі;  

Qazaq tіlіndegі anımatsııa, balalar kınosy, ǵylymı-aǵartýshylyq jáne tárbıelіk medıajobalardy memlekettіk qoldaý men qarjylandyrý kólemіn arttyrýdy usynamyn.