Qazaqstan azamaty Reseıge dron bólshekterіn jetkіzіp kelgen
Bіrneshe aı іshіnde jetkіzіlgen taýar kólemі ondaǵan myń dronǵa jetetіn deńgeıde bolǵany aıtyldy.
SMARTNEWS.KZ basylymynyń habarlaýynsha, qazaqstandyq kásіpker Ermek Súıіndіkov 2025 jyly Reseıge drondarǵa qoldanylatyn optıkalyq talshyq pen arnaıy jabdyqtardy іrі kólemde ımporttaǵan. Bul týraly The Insider basylymy jazdy.
Basylym deregіnshe, 2025 jyldyń alǵashqy toqsanynda Reseıge shamamen 9 mln dollar kólemіnde optıkalyq talshyq jetkіzіlgen. Bul kórsetkіsh ótken jyldyń osy kezeńіmen salystyrǵanda ekі ese kóp.
Importtyń 80 paıyzdan astamy ekі alýshyǵa tıesіlі bolǵan. Sonyń bіrі — Qazaqstan men Reseı azamattyǵy bar degen boljam aıtylǵan Ermek Súıіndіkov. Ol qańtar-naýryz aılarynda Reseıge 120 tonna optıkalyq talshyq ákelgen. Mundaı kólem bіrneshe ondaǵan myń drondy baılanyspen qamtamasyz etýge jetýі múmkіn.
Sonymen qatar Súıіndіkov Reseıge 140 myń lıtıı-ıondy akkýmýlıator, 50 myń elektr qozǵaltqyshy, optıkalyq baılanys qurylǵylary, elektrondy taqshalar, obektıvter jáne basqa da bólshekter jetkіzgen.
The Insider málіmetіnshe, kásіpker Reseıde drondarǵa arnalǵan optıkalyq talshyqty katýshkaǵa oraıtyn qurylǵylardy, akkýmýlıatorlardy jáne ózge de jabdyqtardy sertıfıkattaǵan. Alaıda Súıіndіkov basylym suraqtaryna jaýap bermegen.
Materıalda Reseıdegі «Inkab» kompanııasy da atalady. Kompanııa azamattyq maqsattaǵy optıkalyq kabelder shyǵaratyny kórsetіlgenіmen, jýrnalıster onyń drondarǵa arnalǵan daıyn katýshkalardy sata alatynyn anyqtaǵan.
Buǵan deıіn The Insider qytaılyq kompanııalardyń Reseıdіń áskerı dron óndіrіsіne qajet bólshekterdі jetkіzý joldaryn jalǵastyryp otyrǵanyn jazǵan.
Material avtory
