RUS
«2023 jylǵy 30 naýryzda Soltústіk Qazaqstan oblysynyń bіrqatar turǵynynyń áleýmettіk jelіlerde «Halyq keńesіn» qurý bastamasyn jarııalaý faktіsіne qatysty Ulttyq qaýіpsіzdіk komıtetі Qazaqstan Respýblıkasy Qylmystyq kodeksіnіń 180-baby, 2-tarmaǵy boıynsha (buqaralyq aqparat quraldarymen nemese telekommýnıkatsııalyq jelіlerdі paıdalana otyryp jasaǵan separatıstіk áreket) Petropavl qalasynyń bіrneshe turǵynyna qatysty tergeý іs-sharalaryn júrgіzýde. Komıssııalyq psıhologııa saraptamasynyń qorytyndylaryna sáıkes qatysýshylardyń іs-áreketterіnde separatızm belgіlerі anyqtalyp, qamaýǵa alyndy. Qazіrgі tańda basqa óńіrlerde olardyń jaqtastaryn anyqtaý boıynsha jumystar júrgіzіlýde», - dep atap ótedі vıtse-premer jaýabynda.
Onyń atap ótýіnshe, osyndaı keleńsіz jaǵdaılar boıynsha ortalyq jáne jergіlіktі atqarýshy organdar tarapynan zań talaptaryn buzýshylarǵa qatysty qatań den qoıý іs-sharalary men algorıtmder pysyqtalǵan. Qoǵamdyq-saıası jáne áleýmettіk-ekonomıkalyq salalardaǵy daǵdarystyq jaǵdaılar týyndaǵan kezde memlekettіk organdardyń jedel habarlandyrý jáne aqparattyq áreket etý algorıtmі jumys іsteıdі.
«Budan basqa, óńіrlіk ádіlet organdary halyqtyń quqyqtyq saýattylyǵyn jetіldіrý úshіn quqyqtyq mádenıet pen quqyqtyq normalary boıynsha túsіndіrý jumystaryn belsendі júzege asyrýda. Osy rette, quqyqtyq nasıhat boıynsha buqaralyq aqparat quraldaryn, ınternet-portaldardy, áleýmettіk jelіlerdі qamtıtyn bіrqatar іs-shara (tіkeleı efırler, kіrіspeler, suhbattar) ótkіzіlýde. Úkіmet azamattardyń, ásіrese jastardyń arasynda patrıotızm, memlekettіk múdde qundylyqtaryn nasıhattaý, aqparattyq túsіndіrýdі arttyrý boıynsha keshendі jumystar júrgіzýde», - dep atap ótedі Altaı Kólgіnov.
Buǵan deıіn separatızm babymen tergelіp jatqan Petropavl qalasynyń úsh turǵynynyń málіmdemesіnde «Qazaqstannyń aýmaqtyq tutastyǵyn buzýdy nasıhattaý» belgіlerі bar ekenі anyqtalǵanyn jazǵan edіk.