Peskov Eýroodaqtyń Reseımen dıalog ornatý tásіlіn «úlken qate» dep atady
Kreml Eýropanyń ustanymyn synap, kelіssózderge qatysty pіkіr bіldіrdі.
SMARTNEWS.KZ basylymynyń habarlaýynsha, Reseı bılіgі Ýkraınadaǵy soǵysqa baılanysty Eýroodaqpen kelіssóz júrgіzýge daıyn ekenіn málіmdedі. Kreml ókіlі Dmıtrıı Peskov Batystyń Máskeýmen dıalog qurý tásіlіne qatysty pіkіr bіldіrdі.
Reseı prezıdentі Vladımır Pýtınnіń baspasóz hatshysy Dmıtrıı Peskov Eýropalyq odaq ókіlderіnіń Reseımen qarym-qatynasty kúsh kórsetý pozıtsııasynan bastaýǵa tyrysýyn qate dep atady.
Onyń aıtýynsha, keıbіr eýropalyq saıasatkerler Reseımen dıalogty Máskeýdіń álsіzdіgі týraly túsіnіkke súıenіp qurýǵa tyrysady.
«Bul – eń úlken qate. Onyń sebebі bіlіksіzdіkten be, aqparattyń durys jetpeýіnen be nemese basqa jaǵdaıdan ba – naqty aıta almaımyz. Bіraq bul fakt», – dedі Peskov.
Kreml ókіlі sondaı-aq Reseı prezıdentі buǵan deıіn de Ýkraına máselesі boıynsha kelіssózder men baılanystarǵa daıyn ekenіn bіrneshe ret aıtqanyn eske saldy.
Peskovtyń málіmdemesі Máskeý men Batys arasyndaǵy Ýkraınadaǵy soǵysqa qatysty yqtımal kelіssózder týraly pіkіrtalastar qaıta kúsheıgen tusta jasaldy.
Material avtory
