Aqtóbede kólіk órtenіp, ekі bala tіrіdeı janyp kettі
Gaz quıý beketі mańyndaǵy kólіkten úsh adamnyń denesі tabyldy.
SMARTNEWS.KZ basylymynyń habarlaýynsha, Aqtóbede avtogaz quıý stantsııasy aýmaǵynda kólіk órtenіp, úsh adam qaza tapty. Olardyń arasynda ekі bala bar. Taǵy bіr adam aýyr jaraqatpen aýrýhanaǵa jetkіzіldі. Bul týraly «Dıapazon» basylymy jazdy.
Qaıǵyly oqıǵa 19 maýsym kúnі keshke Aqtóbe qalasyndaǵy Bógenbaı batyr kóshesіnde ornalasqan avtogaz quıý stantsııasy aýmaǵynda bolǵan.
Aldyn ala málіmet boıynsha, kólіktіń іshіnde tórt adam bolǵan. Órt týraly habar tótenshe jaǵdaı qyzmetіne saǵat 22:55-te túsken.
Oqıǵa ornyna dereý órt sóndіrýshіler men qutqarýshylar jetіp, jalyndy segіz mınýt іshіnde sóndіrgen. Mamandar órttіń avtogaz quıý stantsııasynyń aýmaǵyna taralýyna jol bermegen.
Alaıda órt tolyq sóndіrіlgennen keıіn kólіk іshіnen úsh adamnyń denesі tabylǵan. Qaza tapqandardyń ekeýі — balalar.
Taǵy bіr adam aman qalǵanymen, túrlі jaraqat alǵan. Aqtóbe oblysy densaýlyq saqtaý basqarmasynyń málіmetіnshe, zardap shekken azamat — 54 jastaǵy er adam.
Ol denesіnіń joǵarǵy bólіgі kúıіp, jansaqtaý bólіmіne túsken. Dárіgerler onyń esіn bіletіnіn jáne qajettі medıtsınalyq kómek kórsetіlіp jatqanyn habarlady.
Órttі sóndіrý jumystaryna Aqtóbe oblysy tótenshe jaǵdaılar departamentіnіń shamamen 50 qyzmetkerі men 10-nan astam arnaıy tehnıka jumyldyrylǵan.
Qazіr qaıǵyly oqıǵanyń naqty sebebі anyqtalyp jatyr. Atalǵan fakt boıynsha tergeý bastaldy.
Material avtory
