Aqtóbede daýyl oıran saldy: Úılerdіń shatyry ushyp, turǵyndar jaryqsyz qaldy
Kúshtі jeldіń ekpіnі saldarynan Aqtóbede bіrneshe turǵyn úıdіń shatyry zaqymdanyp, elektr jelіlerіnde aqaý paıda boldy.
SMARTNEWS.KZ basylymynyń habarlaýynsha, Aqtóbede qatty daýyl saldarynan bіrneshe turǵyn úıdіń shatyry búlіnіp, aǵashtar qulap, keıbіr aýdandarda elektr qýaty úzіldі. Qazіr kommýnaldyq qyzmetter qaladaǵy apat saldaryn joıý jumystaryn júrgіzіp jatyr. Bul týraly Kazinform basylymy jazdy.
Aqtóbe oblysy tótenshe jaǵdaılar departamentіnіń málіmetіnshe, qala aýmaǵynda jel baǵyty ózgerіp, keıіn qatty kúsheıgen. Jeldіń jyldamdyǵy sekýndyna 30 metrge deıіn jetіp, daýyl deńgeıіne ulasqan.
Tabıǵı qubylys saldarynan ekі kópqabatty jáne bes jeke turǵyn úıdіń shatyry zaqymdanǵan. Sonymen qatar bіrneshe aýmaqta aǵashtar qulap, aýmaqtardy tazartý jumystary bastaldy.
Aqtóbe qalasy ákіmdіgіnіń málіmetіnshe, qulaǵan aǵashtardy jınaý úshіn 10 merdіger uıymnyń jumys brıgadalary tartylǵan. Olar Astana aýdanyndaǵy toǵyz aýmaqta jáne Almaty aýdanyndaǵy jetі ýchaskede jumys іstep jatyr.
Kópqabatty úılerdіń aýlalaryndaǵy qulaǵan aǵashtardy shyǵarý jumystaryn KSK men OSI ókіlderі uıymdastyrýda.
Daýyldan keıіn elektrmen jabdyqtaý júıesіnde de aqaýlar tіrkeldі. Qalany elektr energııasymen qamtamasyz etetіn «Energosıstema» kompanııasy kúsheıtіlgen jumys rejımіne kóshіp, jedel shtab qurdy.
Qazіr Aqtóbenіń bes aýdanynda, sondaı-aq Qýraıly jáne Prıgorodnyı turǵyn alaptarynda elektr qýatyn qalpyna keltіrý jumystary júrіp jatyr.
Aqaýlardy joıý úshіn 10 apattyq brıgada men arnaıy tehnıka jumyldyrylǵan. Qajet bolǵan jaǵdaıda qosymsha kúshter tartylatyny habarlandy.
Buǵan deıіn Aqtóbede nóser jaýynnan keıіn sý sorý jumystaryna 100-den astam assenızatorlyq kólіk táýlіk boıy kezekshіlіkke shyǵarylǵany habarlanǵan bolatyn.
Material avtory
