«Jerge jatqyzyp, kіsen salǵan»: Atyraýlyq áıel polıtseılerdі ulyn kúshpen ustady dep aıyptady
Kámeletke tolmaǵan ulymdy qaýіptі qylmyskerdeı ustady deıdі anasy.
SMARTNEWS.KZ basylymynyń habarlaýynsha, Atyraý turǵyny polıtsııa qyzmetkerlerі kámeletke tolmaǵan ulyn shamadan tys kúsh qoldanyp ustady dep shaǵymdandy. Áıel Ishkі іster mınıstrlіgі men Ishkі qaýіpsіzdіk departamentіnen oqıǵaǵa baılanysty qyzmettіk tekserіs júrgіzýdі talap ettі. Bul týraly AqJaıyq jazdy.
Aınagúl Narybaevanyń aıtýynsha, jaǵdaı 14 maýsym kúnі keshkі ýaqytta Balyqshy yqshamaýdanyndaǵy «Eldorado» kompıýter klýbynda bolǵan.
Áıeldіń sózіnshe, onyń uly klýb іshіnde bolǵan kezde polıtsııa qyzmetkerlerі telefonyn alyp, syrtqa shyǵaryp, kúsh qoldanǵan.
«Buǵan deıіn balam mundaı jaǵdaıǵa eshqashan tap bolmaǵan. Qoryqqannan qashýǵa tyrysqan», – delіngen ananyń shaǵymynda.
Alaıda oqıǵadan keıіn jasóspіrіm polıtsııa qyzmetkerіne shabýyl jasady degen aqparat taraǵan. Anasy bul nusqamen kelіspeıdі.
Onyń aıtýynsha, mán-jaı tolyq anyqtalmaı jatyp, balasyn jerge jatqyzyp, qolyna kіsen salǵan.
«Kámeletke tolmaǵan ulymdy qaýіptі qylmysker sekіldі ustaǵan. Bul onyń psıhologııalyq jaǵdaıyna jáne ar-namysyna aýyr áser ettі», – dep jazdy Aınagúl Narybaeva.
Áıel ustalǵannan keıіn balasynyń denesіnde jaraqattar bolǵanyn, bul medıtsınalyq qujattarmen rastalatynyn aıtty.
Ol polıtsııa qyzmetkerlerіnіń áreketіn tekserýdі, oqıǵa kezіnde túsіrіlgen beınetіrkegіsh jazbalaryn zertteýdі, kúsh qoldanýdyń zańdylyǵyn anyqtaýdy jáne barlyq qatysýshylardyń áreketіne quqyqtyq baǵa berýdі surady.
Atyraý oblysy polıtsııa departamentі ázіrge málіmdeme jasamady.
Material avtory
