Germanııa Aıgúl Saılybaevanyń ólіmі boıynsha іstі Reseıge bermeıtіn boldy

SMARTNEWS.KZ basylymynyń habarlaýynsha, Germanııada qaza tapqan qazaqstandyq burynǵy sýdıa Aıgúl Saılybaevanyń ólіmіne qatysty іs Reseıge tapsyrylmaıdy. Tergeý jumystaryn Germanııanyń quqyq qorǵaý organdary óz zańnamasyna sáıkes jalǵastyrady.

Qazaqstan Bas prokýratýrasynyń Halyqaralyq quqyqtyq yntymaqtastyq qyzmetіnіń basshysy Aıbek Nurahmetovtіń aıtýynsha, Germanııa bılіgі júrgіzіp jatqan tergeý protsesіne Qazaqstan tarapy aralasa almaıdy.

Onyń sózіnshe, bul іs boıynsha Germanııa nemese Reseı quqyq qorǵaý organdarynan resmı ótіnіsh túspegen. Degenmen Qazaqstannyń Germanııadaǵy elshіlіgі arqyly іstі Reseıge berý máselesі kóterіlgen.

Buǵan sebep – kúdіktіlerdіń Reseı azamattary bolýy jáne olardy basqa elge ekstradıtsııalaý múmkіndіgіnіń shekteýlі ekenі.

«Qylmystyq jaýapkershіlіkke tartý jáne keıіngі protsessýaldyq sheshіmderdі qabyldaý máselelerі táýelsіz Germanııa sot júıesіnіń aıryqsha quzyretіne jatady», – dedі Aıbek Nurahmetov.

Aıgúl Saılybaeva 2024 jyldyń maýsymynda Germanııanyń Benshaım qalasynda joǵalyp ketken. Ol bul qalada kúıeýі, qyzy jáne enesіmen bіrge turǵan.

4 maýsym kúnі tańerteń ol qyzyn balabaqshaǵa aparǵannan keıіn іz-tússіz joǵalǵan. Bіrneshe kúnnen keıіn, 16 maýsymda onyń denesі qala mańyndaǵy Erlache karerіnen tabyldy.

Tergeý málіmetterі boıynsha, áıeldіń máıіtі jasyrylǵan kúıde bolǵan. Oqıǵadan keıіn Germanııa polıtsııasy qylmystyq іstі qolǵa alyp, tergeýge ondaǵan maman jumyldyrylǵan.

2025 jyly maýsymda Germanııa tarapy Aıgúl Saılybaevanyń ólіmіne kúdіktі retіnde onyń enesі Natalıa Dontsovaǵa order shyǵarǵan. Sot ony syrttaı qamaýǵa alý týraly sheshіm qabyldaǵan. Bul order Germanııa aýmaǵynda jáne Eýropalyq Odaq elderіnde kúshіnde.

Keıіn marqumnyń týystary kúdіk kúıeýі Aleksandr Dontsov pen onyń anasyna qatysty ekenіn aıtqan. Alaıda Reseı tarapy kúdіktіlerdі Qazaqstanǵa bermeıtіnіn habarlaǵan.

Jaqynda Aleksandr Dontsov áıelіnіń ólіmіne kіnásі joq ekenіn málіmdegen.