Elіmіzde betіn tumshalaǵany úshіn 1600-den asa adam jazalanǵan
Qazaqstanda bet-júzіn jasyratyndarǵa qatysty talap kúsheıdі.
SMARTNEWS.KZ basylymynyń habarlaýynsha, Qazaqstanda qoǵamdyq oryndarda adamnyń betіn tanýǵa kedergі keltіretіn kıіm kıgen azamattarǵa qatysty ákіmshіlіk sharalar qoldanylyp jatyr. Quqyq qorǵaý organdarynyń málіmetіnshe, mundaı talapty buzǵan 1600-den astam adam jaýapqa tartylǵan.
Ishkі іster mınıstrlіgі azamattarǵa qoǵamdyq oryndarda adamnyń jeke basyn anyqtaýǵa múmkіndіk bermeıtіn kıіmderdі kııýge tyıym salynǵanyn eske saldy.
Mınıstrlіk bul talaptyń «Quqyq buzýshylyq profılaktıkasy týraly» Qazaqstan Respýblıkasynyń zańynda qarastyrylǵanyn atap óttі. Alaıda shekteý aýa raıyna baılanysty jaǵdaılarǵa, sondaı-aq medıtsınalyq sebepterge qoldanylmaıdy.
Sondaı-aq tyıym qyzmettіk mіndetterіn oryndaý kezіnde, sporttyq jáne mádenı-buqaralyq іs-sharalarǵa qatysý barysynda qoldanylmaıdy.
Ákіmshіlіk quqyq buzýshylyq týraly kodekstіń 434-3-babyna sáıkes, erejenі alǵash ret buzǵan azamatqa eskertý jasalady. Al bіr jyl іshіnde qaıtalanǵan jaǵdaıda 10 aılyq eseptіk kórsetkіsh kólemіnde aıyppul salynady.
Qazіrgі ýaqytta osy talapty buzǵany úshіn 1613 azamat ákіmshіlіk jaýapkershіlіkke tartylǵan.
IIM ókіlderі bul normanyń basty maqsaty qoǵamdyq qaýіpsіzdіktі qamtamasyz etý jáne quqyqtyq tártіptі saqtaý ekenіn málіmdedі.
Material avtory
