Astanada 7 balanyń ákesі tok soǵyp qaza tapty
QTJ qyzmetkerі jumys kezіnde kóz jumǵany belgіlі boldy.
SMARTNEWS.KZ basylymynyń habarlaýynsha, Astanadaǵy temіrjoldyń elektrmen jabdyqtaý qosalqy stantsııasynda jumys іstep júrgen 43 jastaǵy elektromehanık qaza tapty. Qaıǵyly jaǵdaıdan keıіn marqumnyń artynda jary men jetі balasy qalǵan.
Oqıǵa týraly Egovpress Telegram-arnasy taratqan. Aldyn ala aqparat boıynsha, qaıǵyly jaǵdaı Astana stantsııasyndaǵy tartý qosalqy stantsııasynda bolǵan.
Áleýmettіk jelіdegі aqparatqa sáıkes, qyzmetker kontakt jelіsіnіń fıder uıashyǵyna kіrgen kezde joǵary kerneýlі tokqa túsіp qalǵan.
Oqıǵa deregіn keıіn «Qazaqstan temіr joly» ulttyq kompanııasy da rastady. Kompanııa málіmetіnshe, qaıǵyly jaǵdaı 14 maýsymda bolǵan.
«Osy fakt boıynsha belgіlengen tártіppen tergeý júrgіzіlіp jatyr. Oqıǵanyń mán-jaıy men sebepterі arnaıy komıssııa jumysynyń qorytyndysy boıynsha anyqtalady. Tergeý aıaqtalmaıynsha, bolǵan jaǵdaıdyń naqty sebepterі týraly qorytyndy jasaýǵa erte», – dedі kompanııanyń baspasóz qyzmetі.
QTJ ókіlderі tekserý jumystaryna barynsha kómektesіp jatqanyn aıtyp, qaza tapqan qyzmetkerdіń jaqyndaryna kóńіl aıtty.
Qosalqy stantsııada naqty ne bolǵany jáne qaýіpsіzdіk talaptarynyń buzylǵan-buzylmaǵany tek tekserý aıaqtalǵannan keıіn belgіlі bolady.
Áleýmettіk jelіlerde taraǵan málіmet boıynsha, marqumnyń artynda áıelі men jetі balasy qalǵan.
Material avtory
