«5 myń teńgege túsken»: Mańǵystaýlyq bala ınternet juldyzyna aınaldy (VIDEO)

SMARTNEWS.KZ basylymynyń habarlaýynsha, Mańǵystaý oblysyndaǵy jasóspіrіm áleýmettіk jelіde keń taraǵan bı trendіne túsý arqyly kútpegen jerden tanymal bolyp kettі. 14 jastaǵy Bekarys Tólebaevtyń vıdeosy qysqa ýaqyt іshіnde mıllıondaǵan qaralym jınaǵan.

Jelіde keń taraǵan Let me be atty bı trendі sońǵy aılarda TikTok pen Instagram platformalarynda úlken tanymaldyqqa ıe bolǵan. Sol trendke túsken qarapaıym aýyl balasynyń vıdeosy kópshіlіktіń nazaryn aýdardy.

Vırýsqa aınalǵan rolık Mańǵystaý oblysy Munaıly aýdany Dáýlet aýylynda túsіrіlgen. Basty keıіpker – mektepte oqıtyn, úı sharýasyna kómektesіp júrgen 14 jastaǵy Bekarys Tólebaev.

Vıdeony túsіrý ıdeıasyn bloger Baýyrjan Tólebaev usynǵan. Onyń aıtýynsha, túsіrіlіm múlde josparlanbaǵan jáne kezdeısoq formatta ótken.

«Ulym Isataı mobılograf boldy. Al basty keıіpker – menіń aǵamnyń balasy, kórshіmіz Bekarys. Sol kezde ol qorada sharýamen júrgen. Shaqyryp alyp, vıdeoǵa túsýіn ótіndіm. Aldymen kelіspedі. Sosyn ázіldep: “5 myń teńge beremіn” dedіm. Sol sátte kelіse kettі. Kameraǵa bіr-aq ret qarady. Arnaıy daıyndyq bolǵan joq, bárі qoranyń іshіnde kezdeısoq túsіrіldі de, bіrden jelіge júkteldі», – deıdі avtor.

Blogerdіń aıtýynsha, buǵan deıіn bul trend ekі ret túsіrіlgenіmen, vıdeolar 40 myńnan artyq qaralym jınamaǵan.

«Negіzі bіr nárse jetіspeı turǵan sııaqty boldy. Sodan tehnıka retіnde kótergіshtі qosý ıdeıasy týdy. Aýylda, sharýashylyqpen aınalysyp júrіp mıllıon qaralym jınaý – úlken jetіstіk», – deıdі ol.

Qazіr vıdeo áleýmettіk jelіlerde qarqyndy taralyp jatyr. Paıdalanýshylar rolıktіń shynaıylyǵyn, aýyl atmosferasyn jáne jasóspіrіmnіń tabıǵı harızmasyn erekshe atap ótýde.

Búgіnde beıne 1 mıllıonnan astam qaralym, 100 myńnan astam laık jáne 5 myńnan asa pіkіr jınaǵan.