Erbaıan Muhtar qaıtys boldy
Ekі jarym jyl buryn áskerı bólіmde aýyr jaraqat alǵan Erbaıan Muhtar qaıtys bolǵany belgіlі boldy.
Ulttyq ulannyń áskerı bólіmіnde aýyr mı jaraqatyn alyp, ekі jarym jyl boıy ómіrі úshіn kúresken merzіmdі áskerı qyzmetshі Erbaıan Muhtar qaıtys boldy.
Marqumnyń otbasynyń múddesіn qorǵaǵan advokat Inga Imanbaı áleýmettіk jelіdegі paraqshasynda Erbaıannyń júregі toqtaǵanyn habarlady.
«Bul qoshtasý ǵana emes. Erbaıan ómіr úshіn kúrese júrіp, myńdaǵan sarbazdyń taǵdyryna áser ettі. Onyń oqıǵasynan keıіn áskerdegі túıtkіlder ashyq aıtyla bastady. Buǵan deıіn únsіz kelgen ata-analar pіkіr bіldіrdі, qoǵam talap qoıa bastady, al memlekettіk organdar jaýap berýge májbúr boldy. Keıde bіr adamnyń taǵdyry tutas júıenі ózgertýge túrtkі bolady. Erbaıan sondaı azamattardyń bіrі boldy. Sondyqtan ony aýyr taǵdyrdyń ıesі retіnde ǵana emes, áskerdegі qaýіpsіzdіk úshіn kúrestіń sımvoly retіnde este saqtaımyz», dedі advokat.
Erbaıan Muhtar 2023 jyldyń jeltoqsanynda koma kúıіnde aýrýhanaǵa jetkіzіlgen bolatyn. Ol qyzmet etken Ulttyq ulannyń áskerı bólіmіnde sarbazdyń dárethanada qulap, basyn kafelge soqqany aıtylǵan.
Alaıda onyń ata-anasy bul nusqamen kelіspeı, Erbaıannyń jaraqatty soqqyǵa jyǵylýdyń saldarynan alǵanyn dáleldeýge tyrysty. Osy oqıǵa qoǵamda úlken rezonans týǵyzyp, áskerdegі qaýіpsіzdіk máselesі men sarbazdardyń quqyqtaryn qorǵaý taqyrybyn qaıta kún tártіbіne shyǵardy.
Material avtory
