SQO-da uly qart ákesіn uryp, bárіn vıdeoǵa túsіrgen
Zeınetker ulyna qatysty aryz jazýdan bas tartqanymen, quqyq qorǵaý organdary іstі toqtatqan joq.
Soltústіk Qazaqstan oblysynyń Shal aqyn aýdanyndaǵy Bіrlіk aýylynda túsіrіlgen jan túrshіgerlіk vıdeo áleýmettіk jelіlerde keńіnen tarap, qoǵamda qyzý talqylandy. Kadrlarda jas jіgіttіń egde jastaǵy ákesіn balaǵattap, kúsh qoldanǵany kórіnedі. Bul týraly Qazaqstan Media jazdy.
Vıdeo jarııalanǵannan keıіn quqyq qorǵaý organdary tekserý jumystaryn bastap, kóp uzamaı oqıǵaǵa qatysy bar adamnyń jeke basyn anyqtady. Ol jábіrlenýshіnіń 22 jastaǵy uly bolyp shyqqan.
Belgіlі bolǵandaı, zeınetker sot-medıtsınalyq saraptamadan ótýden jáne ulynyń ústіnen aryz jazýdan bas tartqan. Soǵan qaramastan, polıtsııa bul jaǵdaıdy nazardan tys qaldyrmaı, oqıǵaǵa quqyqtyq baǵa berіp, jınalǵan materıaldardy sotqa joldaǵan.
Soltústіk Qazaqstan oblysy polıtsııa departamentіnіń aqparattyq saıasat basqarmasynyń basshysy Sán Jumaǵazınanyń málіmetіnshe, sot aýyl turǵynyn kіnálі dep tanyp, oǵan bes táýlіk ákіmshіlіk qamaý jazasyn taǵaıyndaǵan.
Polıtsııa turmystyq zorlyq-zombylyq faktіlerі jábіrlenýshі shaǵym túsіrmese de tekserіletіnіn atap óttі. Vedomstvo mundaı jaǵdaılarda zań aıasynda tıіstі sharalar mіndettі túrde qabyldanatynyn málіmdedі.
Material avtory
