Aqtóbede 19 jastaǵy jіgіttі naızaǵaı uryp qaza tapty
Polıtsııa jas jіgіttіń ólіmіne baılanysty іstіń mán-jaıyn anyqtap jatyr.
SMARTNEWS.KZ basylymynyń habarlaýynsha, Aqtóbe oblysynda 19 jastaǵy jіgіttіń denesі tabyldy. Aldyn ala boljam boıynsha, onyń ólіmіne naızaǵaı túsýі sebep bolǵan. Bul týraly Aqtóbe oblysy polıtsııa departamentі jazdy.
Quqyq qorǵaý organdarynyń málіmetіnshe, marqumnyń denesі anyqtalǵannan keıіn atalǵan faktі boıynsha qylmystyq іs qozǵalǵan.
«19 jastaǵy jіgіttіń denesіn tabý deregі boıynsha qylmystyq іs qozǵaldy. Aldyn ala málіmet boıynsha, ólіm atmosferalyq elektr togynyń áserіnen, ıaǵnı naızaǵaı soǵýynan bolǵan», – dep habarlady Aqtóbe oblysy polıtsııa departamentіnіń baspasóz qyzmetі.
Qazіrgі ýaqytta oqıǵanyń naqty mán-jaıy anyqtalyp jatyr. Tergeý barysynda qaıǵyly jaǵdaıdyń qalaı bolǵany jáne ólіmnіń naqty sebebі belgіlenedі.
Material avtory
