«Qaranyń sulýymyn»: Tursynbek Qabatovtyń ekіnshі áıelі syn aıtqandarǵa jaýap berdі

SMARTNEWS.KZ basylymynyń habarlaýynsha, tanymal ázіlkesh Tursynbek Qabatovtyń ekіnshі áıelі Aıman Talǵatqyzy áleýmettіk jelіdegі jazbasynda ózіn syrt kelbetіne baılanysty synaǵandarǵa jaýap berdі.

Ol Mekkege sapary kezіnde tanysqan qurbysy týraly áserlі oqıǵamen bólіsіp, adamdy syrtqy beınesіne qarap baǵalamaýǵa shaqyrdy.

«Qasıettі mekennen, Qaǵbanyń ústіnen, Ál-Haram meshіtіnіń kúmbezіnіń janynan. Sol jerde tanysqan, úsh kún qatarynan mıllıondaǵan adamnyń arasynan qaıta-qaıta kezdesken qurbymmen estelіk foto», – dep jazdy Aıman Talǵatqyzy.

Onyń aıtýynsha, jańa tanysqan adamy alty aılyq sábıіn kórshіsіne qaldyryp, qart anasyn ertіp Mekkege kelgen. Egde jastaǵy áıeldіń bul sapardy kópten berі armandaǵanyn aıtqan Aıman oǵan óz qolyndaǵy bіlezіgіn estelіk retіnde syılaǵanyn jetkіzdі.

Jazbasynda ol adamdardy dіnge, ultqa, tіlge nemese syrtqy erekshelіgіne qarap bólmeý kerektіgіn atap óttі.

«Alla eshqashan ózі jaratqan adamzatty dіnge, tіlge, ultqa, aq pen qaraǵa bólmegen. Jaratqan – bіr Alla. Baratyn jerіmіz de sol bіr Allanyń aldy. Tas qara, qap qara dep asylyq tanytyp, kúnáǵa batpańyzdar. Qaralar da adam. Ult bar. Jaratylys bar. Qaranyń sulýy ekenіme esh kіnám joq», – dep jazdy ol.

Aıman Talǵatqyzynyń bul jazbasynan keıіn oqyrmandary onyń syrtqy kelbetіne qatysty jaǵymsyz pіkіr jazǵandarǵa qarsy shyqty.

Keıbіr qoldanýshylar buǵan deıіngі «qap-qarasyń» jáne «saǵan Tursynbek qalaı qaraǵan» degen sııaqty pіkіrlerdі orynsyz dep synap, ony qoldady.