Ýkraına Reseıge 300-den astam dron shabýylyn jasady
Reseı qorǵanys mınıstrlіgі júzdegen dron joıylǵanyn málіmdese, bіrqatar óńіrde jarylys pen zaqym týraly aqparat tarady.
SMARTNEWS.KZ basylymynyń habarlaýynsha, Reseıdіń bіrneshe óńіrі men anneksııalanǵan Qyrym aýmaǵyna jappaı dron shabýyly jasaldy. Reseı Qorǵanys mınıstrlіgі 300-den astam ushqyshsyz ushý apparaty joıylǵanyn málіmdedі. Bul týraly «Deutsche Welle» basylymy jazdy.
Reseı vedomstvosynyń deregіnshe, 24 maýsym kúnі tańerteń Astrahan, Belgorod, Brıansk, Voronej, Volgograd jáne taǵy bіrqatar oblystardyń aýmaǵynda, sondaı-aq Qyrym men Azov jáne Qara teńіz jaǵalaýynda barlyǵy 323 dron ustalǵan.
Shabýyldan keıіn Sevastopol qalasynda elektr qýaty óshken. Qyrymdaǵy reseılіk bılіk ókіlderі keı aýdandarda jaryqtyń qaıta qosylǵanyn habarlady. Keıbіr derekkózder Sevastopoldegі іrі elektr qosalqy stantsııasyna soqqy tıgenіn, sonyń saldarynan órt shyqqanyn jazdy. Qalada bіrqatar aýdanda sý máselesі de týyndaǵany aıtyldy.
Ýkraınalyq resýrstar Qyrymdaǵy áskerı nysandarǵa soqqy jasalǵanyn málіmdedі. Atap aıtqanda, Sakı áýejaıyndaǵy nysandar men áýe qorǵanys júıelerі zaqymdanǵany týraly aqparat tarady.
Reseıdіń Nıjegorod oblysynda dron shabýylynan ekі adam qaza taýyp, taǵy ekі adam jaralanǵan. Aımaq gýbernatory ónerkásіp nysany men bіrneshe kólіkke, turǵyn úıge zaqym kelgenіn aıtty.
Belgorod oblysynda da bіr adam qaza taýyp, taǵy bіr turǵyn jaralanǵan. Jergіlіktі bılіk qaıtadan dron jáne zymyran qaýpі týraly eskertý jarııalady.
Sonymen qatar Orynbor oblysynyń bılіgі ónerkásіp kásіpornyna shabýyl bolǵanyn habarlady. Ýkraınalyq monıtorıng resýrstary soqqy nysandary retіnde gelıı jáne gaz óńdeý zaýyttaryn atady.
Reseıdіń basqa atalǵan aımaqtarynda da dron shabýyldary bolǵany habarlandy. Keı óńіr bılіgі zardap shekkender men іrі zaqym bolmaǵanyn málіmdedі.
Material avtory
