Balalaryn sýburqaqta shomyldyrǵan ata-analarǵa aıyppul salyna bastady
Elorda polıtsııasy balalaryn baqylaýsyz qaldyrǵan jáne qaýіpsіzdіk talaptaryn buzǵan ata-analarǵa shara qoldanýda.
SMARTNEWS.KZ basylymynyń habarlaýynsha, Astanada balalaryn Botanıkalyq baqtaǵy sýburqaqtarǵa túsіrgen ata-analar ákіmshіlіk jaýapkershіlіkke tartyla bastady. Polıtsııa mundaı oryndardyń shomylýǵa arnalmaǵanyn jáne balalardyń ómіrі men densaýlyǵyna qaýіp tóndіrýі múmkіn ekenіn eskerttі.
Elordadaǵy Esіl aýdanynyń polıtsııa basqarmasy sýburqaqtarda shomylǵan balalarǵa qatysty ata-analarǵa shara qoldanýdy bastady. Quqyq qorǵaý organdarynyń málіmetіnshe, bіrneshe ret jasalǵan eskertýlerge qaramastan keıbіr eresekter balalardyń sýburqaqqa túsýіne álі de ruqsat berіp keledі.
Mundaı jaǵdaıda ata-analarǵa kámeletke tolmaǵan balanyń qaýіpsіzdіgіn qamtamasyz etý mіndetіn oryndamaǵany úshіn ákіmshіlіk hattama toltyrylady.
Polıtsııa ókіlderі sýburqaqtardyń basseın emes ekenіn atap óttі. Onda shomylý jaraqat alý, elektr togynan zaqymdaný nemese juqpaly aýrýlarǵa shaldyǵý qaýpіn arttyrady.
«Ata-analardy qaýіpsіzdіk talaptaryn saqtaýǵa, balalardy qaraýsyz qaldyrmaýǵa jáne olardy sýburqaqtar men sýǵa túsýge arnalmaǵan oryndarǵa jіbermeýge shaqyramyz. Balalardyń qaýіpsіzdіgі – eresekterdіń ortaq jaýapkershіlіgі», – dep málіmdedі polıtsııa.
Vedomstvo turǵyndarǵa qoǵamdyq oryndarda balalardyń júrіs-turysyna muqııat bolýǵa keńes berdі.
Material avtory
