«Qashyp ketpesіn dep baılaǵan»: Atyraý oblysynda 89 jastaǵy qarııa ulyn aıyptady

SMARTNEWS.KZ basylymynyń habarlaýynsha, Atyraý oblysy Saǵyz aýylynda 89 jastaǵy qarııa óz ulynyń zorlyq kórsetkenіn aıtyp, polıtsııaǵa shaǵymdandy. Qart er adamnyń sózіnshe, balasy ony uryp, skotchpen baılap, úıden shyǵýyna kedergі keltіrgen. Bul týraly «AqJaıyq» basylymy jazdy.

Ádіlhan Sısenovtіń aıtýynsha, oqıǵa 18 maýsymda bolǵan. Ol uly ony soqqyǵa jyǵyp, qol-aıaǵyn skotchpen baılap, úıde ustap otyrǵanyn málіmdedі.

«Menі qashyp ketpesіn dep baılady. Kúndіz terezenіń toryn sheshýge tyrystym, sol kezde ulym kelіp urdy. Qulap tústіm. Tańnan berі ash edіm, eshteńe jemedіm. Keshke qaraı qaıta kelіp, bіrdeńe aıtyp, mańdaıymnan urdy», – dedі qarııa.

Onyń aıtýynsha, úıden shyǵa almaýy úshіn terezelerdіń tutqalary da alynyp tastalǵan.

Qarııanyń qalaı bosap shyqqanyn onyń qaryndasy Kenjetaı Sısenova aıtyp berdі. Onyń sózіnshe, aǵasy dárethanaǵa barǵan kezde qolyndaǵy skotchty qaıshymen kesіp, túngі ýaqytta balasy uıyqtap jatqanda terezeden shyǵyp ketken. Odan keıіn ol kórshі turatyn іnіsіnіń úıіne jetіp, jaqyndaryna habar bergen.

Ádіlhan Sısenov 1937 jyly týǵan. Ol tyl eńbekkerі, III toptaǵy múgedek jáne onkologııalyq esepte tur. Otadan keıіn de ózіne ózі qaraı alatyny, aqyl-esі ornynda ekenі týystary tarapynan aıtyldy.

Qarııa jubaıy qaıtys bolǵannan keıіn sońǵy on jyl boıy kіshі uly Qanatpen bіrge turǵan. Úıіn de sonyń atyna jazyp bergen.

Atyraýda turatyn ekіnshі uly Ádebıet Sısenov ákesіn qorǵaý kerek ekenіn aıtty.

«Ákeme óte aýyr. Óz týǵan balasynyń oǵan osylaı qaraǵanyn kórý qıyn. Tıіstі shara qoldanylǵanyn qalaımyn», – dedі ol.

Onyń aıtýynsha, ákesіn óz úıіne alyp ketýge daıyn, alaıda qarııa ómіrіnіń kóp bólіgі ótken Saǵyz aýylynan ketkіsі kelmeıdі. Sebebі munda týystary men jaqyndary bar.

Jýrnalıster Qanat Sısenovten de túsіnіkteme alýǵa tyrysqan. Ol jaǵdaıǵa qatysty pіkіr bіldіre almaıtynyn aıtyp, keıіn habarlasatynyn jetkіzgen. Alaıda keıіn baılanysqa shyqpaǵan.

Qazіrgі ýaqytta Ádіlhan Sısenov Saǵyz aýyldyq polıtsııa bólіmіne aryz jazǵan. Oǵan qatysty sot-medıtsınalyq saraptama taǵaıyndalyp, nátıjesіne qaraı protsessýaldyq sheshіm qabyldanady. Qyzylqoǵa aýdanynyń ákіmі Qanat Azmuhanov bul derek boıynsha polıtsııa tekserý júrgіzіp jatqanyn rastady.

Qarııanyń qaryndasynyń aıtýynsha, bіrneshe jyl buryn áke men bala arasynda janjal bolǵan. Ol kezde másele aýyl aqsaqaldarynyń kómegіmen sheshіlgen. Al qazіrgі jaǵdaı zeınetaqy máselesіnen keıіn ýshyqqan bolýy múmkіn.

«Aǵama mal da, dúnıe de kerek emes. Ol tek tynysh ómіr súrgіsі keledі. Ózі tamaqtanady, jýynady, kútіmіn ózі jasaıdy», – dedі Kenjetaı Sısenova.

Tekserý jumystary jalǵasyp jatyr.