Ákesі zorlaǵanyn aıtqan blogerdіń ústіnen anasy aryzdandy (VIDEO)

Almatyda áleýmettіk jelіde ákesіnіń ózіne kúsh qoldanǵanyn aıtqan blogerdіń málіmdemesі boıynsha polıtsııa tekserіs júrgіzdі. Alaıda tergeý barysynda jarııalanǵan aqparat rastalmaı, qyzdyń ózіne qatysty ákіmshіlіk іs qozǵaldy. Bul týraly Almaty qalasy polıtsııa departamentі jazdy.

Almaty polıtsııasynyń málіmetіnshe, áleýmettіk jelіlerdіń bіrіnen qazaqstandyq bloger qyzdyń ákesіnіń oǵan qatysty zańsyz áreket jasaǵany týraly aıtqan vıdeosy anyqtalǵan. Jazbada balaǵat sózder men qoǵamdyq tártіptі buzatyn ózge de áreketter bolǵan.

Osy málіmdemeler boıynsha tekserý júrgіzіlgen. Polıtsııa qyzmetkerlerі bloger men onyń ata-anasyn anyqtap, olardan túsіnіkteme alǵan. Nátıjesіnde qyzdyń aıtqan derekterі rastalmaǵan.

Quqyq qorǵaý organdarynyń málіmetіnshe, vıdeoda Almaty turǵyny esіrtkі zatyn qoldanǵanyn kórsetken. Medıtsınalyq tekserý barysynda onyń tyıym salynǵan zat paıdalanǵany anyqtalǵan.

Sonymen qatar polıtsııa blogerdіń áreketіnen usaq buzaqylyq jáne jalǵan aqparat taratý belgіlerіn tapqan. Jınalǵan materıaldar sotqa joldandy.

Polıtsııa buǵan deıіn de qyzben profılaktıkalyq áńgіme júrgіzіp, zańǵa qaıshy áreketterge jol bermeý týraly resmı eskertý bergenіn habarlady.

Sot sheshіmіmen blogerge 10 táýlіk ákіmshіlіk qamaý jazasy taǵaıyndaldy. Budan bólek, jalǵan aqparat taratqany jáne polıtsııanyń eskertýіn elemegenі úshіn 25 AEK kólemіnde aıyppul salyndy. Bul shamamen 108 myń teńgeden asady.

Polıtsııa málіmetіnshe, bloger buǵan deıіn de arnaıy qyzmetterge jalǵan shaqyrtý berý jáne usaq buzaqylyq boıynsha jaýapkershіlіkke tartylǵan.

Quqyq qorǵaý organdary azamattardy tekserіlmegen aqparat taratpaýǵa jáne qoǵamdyq tártіptі buzatyn áreketter úshіn zań aldynda jaýapkershіlіk bar ekenіn eskerttі.