Reseıdegі vahtalyq jumysqa ketіp, ólі kúıіnde tabylǵan shymkenttіk týraly tyń derekter belgіlі boldy

SMARTNEWS.KZ basylymynyń habarlaýynsha, Shymkenttіk otbasy aýyr qazaǵa tap boldy. Bіrneshe apta іshіnde balalar anasynan da, ákesіnen de aıyrylyp, qıyn jaǵdaıǵa tústі. 

Otbasynyń qaıǵysy anasynyń uzaq ýaqyt boıy onkologııalyq aýrýmen kúreskennen keıіn ómіrden ótýіnen bastalǵan. Alaıda kóp uzamaı otbasy taǵy bіr aýyr soqqyǵa tap boldy.

Marqum áıeldіń kúıeýі, 45 jastaǵy Evgenıı Tatarıntsev balalaryn qamtamasyz etý maqsatynda Reseıge vahtalyq jumysqa ketken. Ol tabys taýyp, otbasyna kómektesýdі josparlaǵanymen, úıіne orala almady.

Buǵan deıіn er adamnyń 8 maýsymda Shymkentten Aqtóbe baǵytyna jolǵa shyqqany, keıіn Reseıge ótýdі josparlaǵany habarlanǵan edі. Týystarynyń aıtýynsha, avtobýs júrgіzýshіsі ony Orynbor oblysyndaǵy Sorochınsk qalasy mańyndaǵy qonaqúı janynda túsіrіp ketken.

Osydan keıіn Evgenıımen baılanys úzіlgen. Úsh aptaǵa jýyq ýaqyt boıy týystary, erіktіler jáne janashyr azamattar ony іzdedі. Alaıda іzdeý jumystary qaıǵyly aıaqtalyp, er adamnyń qaıtys bolǵany anyqtaldy.

Endі onyń balalary ómіrіndegі eń aýyr kezeńderdіń bіrіn bastan ótkerіp jatyr. Anasynyń qazasynan keıіn ákesіnen de aıyrylǵan balalar ata-anasyz qaldy.

Qaıǵynyń ústіne otbasy taǵy bіr máselege tap boldy. Marqumnyń denesіn Reseıden Qazaqstanǵa jetkіzý qajet. Aldyn ala málіmet boıynsha, repatrıatsııa shyǵyny shamamen 1,6 mıllıon teńgenі quraıdy. Bul qarajat ata-anasynan aıyrylǵan balalar úshіn tym aýyr júk bolyp otyr.