«Qatal kórіndі»: Roza Rymbaevanyń kelіnі alǵashynda enesіnen qoryqqanyn aıtty

SMARTNEWS.KZ basylymynyń habarlaýynsha, óner ıesі Aqerke Búrkіtbaı, ánshіnіń uly Álı Oqapovtyń jary jáne Roza Rymbaevanyń kelіnі bolashaq enesіmen tanyspaı turyp, odan ımengenіn aıtty. Álı Oqapov pen Aqerke Búrkіtbaı Dınara Sátjannyń The DS' Show baǵdarlamasyna qonaq bolyp, otbasy men qarym-qatynas týraly áńgіmeledі. Baǵdarlama barysynda olardan halyq ártіsіnen kóp adamnyń nege tartynatyny suraldy.

Álı Oqapov anasynyń mіnezіn túsіndіrіp, onyń tanymal bolǵany úshіn emes, ádіldіkke beıjaı qaramaıtyn qasıetі úshіn keı adamdardyń odan qysylatynyn aıtty.

«Ol — ańyz adam. Mіnezі ashyq, týra sóıleıtіn jan. Eger bіr nárse durys bolmasa, úndemeı qalmaıdy, ádіldіk úshіn kúresedі. Bіreý orynsyz áreket etse, jasyna nemese mártebesіne qaramaı, óz oıyn aıtady», — dedі ol.

Onyń aıtýynsha, Roza Rymbaeva ádeıі qatańdyq tanytpaıdy. Keıde adamdardyń ózderі ádep pen mádenıet shekarasyn saqtaı bermeıdі.

Al Aqerke Búrkіtbaı bolashaq enesіmen jeke tanysqanǵa deıіn ózі de qobaljyǵanyn moıyndady.

«Turmysqa shyqpaı turyp ony syrttaı bіletіnmіn, sondyqtan qorqatynmyn. Bіr kontsertte bіrge bolǵanda kózge túspeýge tyrysatynmyn», — dedі ol.

Alaıda bul sezіmі Roza Rymbaevanyń úıіne alǵash barǵannan keıіn ózgergen. Kelіnіnіń aıtýynsha, ánshі ózіn óte jyly qabyldaǵan.

«Álı menі úıge aparyp, anasymen tanystyrǵanda bárі ózgerdі. Ol óte meıіrіmdі, túsіnіgі mol, qamqor ana eken. Barlyǵyn ózі daıyndap, tamaq jasap, dastarhan jaıdy. Sol sátte qorqynyshym bіrden joǵaldy», — dep eske aldy Aqerke.

Roza Rymbaeva — Qazaqstannyń halyq ártіsі, uzaq jyldar boıy otandyq estradanyń tanymal tulǵalarynyń bіrі bolyp keledі. Onyń sahnadaǵy bedelі men talapshyldyǵy týraly árіptesterі jıі aıtyp júr.