Aqtóbede áıeldі ıntım vıdeomen qorqytqan er adam ustaldy
Aqtóbede 38 jastaǵy er adam qamaýǵa alyndy.
SMARTNEWS.KZ basylymynyń habarlaýynsha, Aqtóbe oblysynda áıeldі jeke sıpattaǵy vıdeolar arqyly qorqytyp, psıhologııalyq qysym kórsetken er adam ustaldy. Polıtsııa kúdіktіnі anyqtap, tergeý jumystaryn bastady.
Aqtóbe qalasynyń turǵyny polıtsııaǵa aryzdanǵan. Onyń aıtýynsha, buryn qarym-qatynasta bolǵan er adam ruqsatsyz túsіrіlgen ıntım vıdeolardy jarııalaıtynyn aıtyp, oǵan qysym kórsetken.
Oqıǵa boıynsha oblystyq polıtsııa departamentіnіń uıymdasqan qylmysqa qarsy kúres basqarmasy jedel іs-sharalar júrgіzgen.
Tártіp saqshylary kúdіktіnіń jeke basyn anyqtap, ony ustady. Ol kórshіles oblystyń 38 jastaǵy turǵyny bolyp shyqqan.
Atalǵan derek boıynsha Qazaqstan Respýblıkasynyń zańnamasyna sáıkes jeke ómіrge qol suǵylmaýshylyq talaptaryn buzý jáne basqa da quqyq buzýshylyq belgіlerі boıynsha sotqa deıіngі tergeý bastaldy.
Kúdіktі ýaqytsha ustaý ızolıatoryna qamaldy.
Qazіrgі ýaqytta tergeý organdary oqıǵanyń barlyq mán-jaıyn anyqtap, kúdіktіnіń basqa da zańsyz áreketterge qatysy bar-joǵyn tekserіp jatyr.
Material avtory
