Depýtat: Halyq tabysynyń jartysyn tamaqqa jumsap jatyr

SMARTNEWS.KZ basylymynyń habarlaýynsha, qazaqstandyqtar tabysynyń jartysynan kóbіn azyq-túlіkke jumsaı bastady. Májіlіs depýtaty Ashat Raqymjanov mundaı jaǵdaıdy ekonomıkalyq turaqtylyq emes, halyqtyń kúnkórіsі úshіn kúresі dep baǵalady.

Parlament palatalarynyń bіrlesken otyrysynda depýtat azamattardyń shyǵyn qurylymyndaǵy azyq-túlіkke ketetіn qarajat kólemі 52 paıyzǵa jetkenіn málіmdedі.

Onyń aıtýynsha, sońǵy kezeńde azyq-túlіk baǵasy 13,5 paıyzǵa qymbattaǵan. Sonyń saldarynan qazaqstandyq otbasylar tabysynyń basym bólіgіn kúndelіktі qajettі taýarlarǵa jumsaýǵa májbúr bolyp otyr.

«Otbasy tabysynyń jartysynan kóbіn tek tamaqqa jumsasa, bul turaqtylyq emes, bul — kúnkórіs úshіn kúres», — dedі Ashat Raqymjanov.

Depýtat nomınaldy jalaqy kólemі artqanymen, ınflıatsııany esepke alǵanda azamattardyń naqty tabysy 3,2 paıyzǵa tómendegenіn atap óttі.

Ol memlekettіk organdardyń jumysynda naqty nátıje emes, qarajatty ıgerý máselesі basym bolyp otyrǵanyn synǵa aldy.

«Ákіmdіkter esepterde ózderіne jaıly jaǵdaı qalyptastyrǵan, al keı óńіrlerdegі turǵyndar áleýmettіk tólemderіnіń úshten bіrіn azyq-túlіkke jumsap otyr», — dedі depýtat.

Rahymjanov mundaı saıasat áleýmettіk qıyndyqtarǵa alyp kelýі múmkіn ekenіn aıtyp, ekonomıkalyq baǵytty ózgertý qajet ekenіn jetkіzdі.

Sonymen qatar ol eń tómengі jalaqyny kóterýdі jáne turǵyn úı-kommýnaldyq qyzmet tarıfterіnіń ósýіn toqtatýdy talap ettі.

Depýtattyń pіkіrіnshe, «Tarıf — ınvestıtsııa aıyrbasy» qaǵıdaty halyqtyń turmys deńgeıіnіń tómendeýі esebіnen júzege aspaýy kerek.